legend drama actor Faysal Quraishi ne sabit kar diya hai ke ‘Age Is Just A Number’, adakaar ki gym me behtareen fitness transformation aur muscular body ki tasveer social media par tezi se viral ho rahi hai. Unke is shandaar fitness andaz ko internet par bohot saraha ja raha hai.
Singer Asim Azhar ne Instagram par fans ka shukriya ada karte hue bataya ke unhein naye gaano par bohot pyaar mil raha hai, unhon ne apni sehat se mutaliq bataya ke tonsils ke baad ab wo theek hain aur unhon ne Muharram ke baad naye music ka wada bhi kiya hai.
Pakistan ke Mashhoor child social media star Shirazi Vlogs ka Facebook page hack ho gaya hai, is page par 2.7 million (yaani 27 lakh) se zyada followers mojood hain. Is khabar ne unke chahne walon ko kaafi pareshan aur herat me daal diya hai aur fans page ki jald recovery ki dua kar rahe hein.
Pakistan ki mashhoor and talented star Hania Aamir ne Sughra Shafi Medical Complex me aik ward donate kiya hai, jis ki wajah se unhein bohot tareef mil rahi hai. Sahara Trust Hospital ne unka shukriya ada kiya, fans social media par Hania ke is naik kaam aur jazbay ko bohot saarah rahe hain.
Ahmad Shah ne apne chote bhai Umer Shah ki aik pyari video share ki hai. Umer Shah ka pichle saal fefdon ki beemari ki waja se achanak inteqal ho gaya tha. Ahmad ne unhein yaad karte hue unke sath guzre ache waqt ki yaadein taza keen, jis par fans kaafi udas dikhai diye.
