Aymen-Saleem ne ‘Podcast’ mein bataya ke unhon ne pregnancy ke doran adakari se jaan boojh kar break liya tha kyun ke umeed se hone ke baad career unke zehan mein hi nahi tha. Unhon ne share kiya ke unka beta Kayhan ab aik saal ka ho chuka hai aur unki motherhood par yeh sachi guftagu fans ko kaafi pasand aa rahi hai.
Mashhoor adakara Hania Amir ne bathrobe mein aik haseen mirror selfie share ki hai, jis mein unka naya pixie-style short haircut saaf dekha ja sakta hai. Hania ka yeh fresh aur bold summer look internet par aate hi viral ho gaya hai aur fans un ke is cute and chic naye hairstyle ko behad pasand kar rahe hain.
Influencer Sana Yousaf ke walidain ne BBC Urdu ko apna pehla interview diya hai. Unhon ne bataya ke unhon ne yeh qanooni larai har us beti ke liye lari jo zulm ka shikar hoti hai. Sana ki maa ne jazbati hotay hue kaha ke agar beti ko insaf na dilwatien to maut ke baad us se aankhein kaise milatien.
Pakistani adakara Sadia Khan ne Cannes Film Festival 2026 mein apna shandaar aur glamorous debut kiya hai. Unhon ne Gaby Charbachy ka tayar karda khoobsurat gown pehna aur is mawaqay ko apni zindagi ka sab se haseen lamha qarar diya. Is saal Cannes mein Sanam Saeed, Roma Michael aur designer Hussain Rehar ne bhi Pakistan ki numaindagi ki.
Adakara Aymen Saleem ne Frieha Altaf ke podcast mein bataya ke unhein 18 saal se pehle hi unke waalid ne Mercedes car gift ki ti, jis ke baad unhon ne saheliyon ke sath dieting kar ke Guinness World Record banaya. Is bayan par social media sarifeen unhein “Papa Ki Pari” kehte hue kadi tanqeed ka nishana bana rahe hain.
