Superstar Sanam Saeed ne industry ki nayi actresses, Sahar Hashmi aur Hina Afridi ki khubsurti ki khulay dil se tareef ki hai. Sanam ne social media par unke “lethal face card” ko saraaha. Jahan fans ne Sanam ke is rawayye ko pasand kiya, wahin kuch logon ne mashwara diya ke nayi actresses ko apni acting skills par mazeed kaam karna chahiye.

Drama “Dr Bahu” ke episode 12 ke baad social media par Sania ki maa ko “asli villain” qarar diya ja raha hai. Log unke toxic aur unsupportive rawayye par bohat gussa hain. Fans ka kehna hai ke Sania ki apni maa hi uski dushman bani hui hai aur mushkil waqt mein uska saath nahi de rahi.

Yasir Hussain ne apne bete Kabir Hussain ke career ke bare mein wazahat pesh kar di hai. Unhon ne kaha ke wo chahte hain ke unka beta doctor ya sportsman ban kar mulk ka naam roshan kare. Magar unhon ne ye bhi saaf kiya ke agar Kabir adakari ko hi apna pesha banana chahega to wo uski mukammal himayat karenge.

Dr. Omer Adil ne Fahad Mustafa ki stardom aur unki blockbuster film “Aag Lagay Basti Mein” par kadi tanqeed ki. Unka kehna hai ke Fahad aik film star nahi hain kyun ke woh har waqt “Jeeto Pakistan” mein nazar aate hain aur un mein woh “exclusivity” nahi jo aik baray star mein honi chahiye hai.

Ex PM Imran Khan Ki Ex wife Jemima Goldsmith Irish Billionaire Cameron O’Reilly Se Shaadi Karne Wali Hain. Aik Saal Tak Aik Doosre Ko Date Karne Ke Baad woh dono jald Mangni Karne wale Hain. Cameron Aik Mashhoor Businessman Hain Aur Jemima Ke Ghar Wale Bhi Is Rishte Se Bohat Khush Hain.