Aaj 28 July 2025 ko Pakistan Open Market mein mukhtalif mumalik ki currencies ke buy rates kuch is tarah hain: U.S. Dollar 285.50 PKR, Euro 335 PKR, British Pound 385 PKR, UAE Dirham 77.60 PKR, Saudi Riyal 75.95 PKR, Kuwaiti Dinar 920 PKR, Canadian Dollar 207.5 PKR, Australian Dollar 186 PKR, Malaysian Ringgit 66.74 PKR, Swiss Franc 352.88 PKR, Indian Rupee 3.22 PKR.

Madhya Pradesh ke Sagar district mein afsos naak waqia hua, jahan eik shakhs ne biwi ke ghar chor kar chalay jane ke baad maa aur 2 bachon ke saath mil kar khud kushi kar li. Police ke mutabiq jhagra aur maali dabao is waqia ki mumkin wajah ho sakti hain. Tehqiqaat jari hai.

Urfi Javed, jo apne bold fashion ki wajah se hamesha surkhiyon mein rehti hain, urfi ki nayi photo ne sabko chonka deya, jisme woh bilkul change look ke saath nazar aa rahi hain. Kuch waqt pehle urfi ne botox treatment ki video share ki thi, jisme urfi ka chehra pehchanna mushkil ho gaya tha. Sirf 5 dino mein video ne 194 million views aur 2 million shares hasil keya.

Lahore mein dukandaro ne government rate ko nazar andaz karte hue cheeni Rs200,210 per kg tak bechna shuru kar di hai. Rs173 ke government rate enforce nahi ho saka. Departmental stores ne cheeni bechna band kar di hai. Dukandaro ka kehna hai ke wo cheeni Rs190 mein hasil karte hain, aur kam rate par bechna nuqsan ka sabab hai.

Nowshera: Madina Colony Phase 2 mein ghar ke kitchen mein gas cylinder phat gaya, jis say mian biwi shadeed tor par zakhmi ho gaye. Waqia ke foran baad Rescue 1122 ki team mouqa par pohnchi, zakhmiyon ko madad faraham ki gyi aur phir unhein Qazi Medical Complex Nowshera transfer kar diya gaya.

Pakistan ke shahron ki taaza mosam ke soorat-e-haal ke mutabiq iss waqt 27 July dopehar 1:52 PM par, Pakistan ke mukhtalif shahron ka darja hararat kuch is tarah hai. Karachi 32°C, Lahore 35°C, Islamabad 34°C, Faisalabad 36°C, Multan 39°C, Gujranwala 36°C, Sialkot 36°C, Quetta 34°C, Peshawar 39°C, jabke Hyderabad mein 36°C hai.

(National Institute of Health) NIH ne confirm kiya hai ke 3 naye polio cases samne aaye hain jo Lakki Marwat, North Waziristan aur Umerkot se report hue hain. Mulk bhar mein polio cases ki total tadaad ab 17 ho chuki hai. Ab tak 10 cases Khyber Pakhtunkhwa, 5 Sindh, aur eik, eik case Punjab aur Gilgit-Baltistan se report ho chuka hai.

Sahiwal mein (CCD) aur robbers ke darmiyan firing ka tabadla hua jisme 3 robbers halak ho gaye. CCD ke mutabiq, police ne eik mashkook gaari roknay ki koshish ki tou robbers ne firing shuru kar di. Halak hone walay robbers apne hi sathiyon ki goli se maray gaye. Tino robbers sangeen jurm mein mulawis thay, jin mein robbery aur street crime bhi shamil tha.

Aaj 27 July 2025 ko Pakistan Open Market mein mukhtalif mumalik ki currencies ke buy rates kuch is tarah hain: U.S. Dollar 285.50 PKR, Euro 335 PKR, British Pound 385 PKR, UAE Dirham 77.60 PKR, Saudi Riyal 75.95 PKR, Kuwaiti Dinar 920 PKR, Canadian Dollar 207.5 PKR, Australian Dollar 186 PKR, Malaysian Ringgit 66.74 PKR, Swiss Franc 352.88 PKR, Indian Rupee 3.22 PKR.

Asia Cup 2025 ka schedule jari kar diya gaya hai. Pakistan aur India ka match 14 September ko hoga. Group A mein Pakistan, India, UAE aur Oman shamil hain, jabke Group B mein Sri Lanka, Bangladesh, Afghanistan aur Hong Kong shamil hain. Pehla match 9 September ko hoga. Super Four marhala ka aaghaz 20 September se hoga aur final 28 September ko khela jaye ga.