Mashhoor adakaara Mariyam Nafees apni shadi ki salgirah manane ke liye Brazil pohanch gayi hain. Wo apne shohar aur nanhe bete Eesa ke saath Rio de Janeiro ki khoobsurat wadiyon mein chuttiyan guzar rahi hain. Mariyam ne is mauqe par apni khushi ka izhaar karte hue fans ke saath Brazil ke mukhtalif maqamaat ki dilchasp tasaveer share ki hain.
Bushra Ansari ne bataya ke aik taqreeb ke doran Javed Sheikh or unke darmiyan ikhtilaf hua tha, jisay social media ne bohat barha charha kar pesh kiya. Bushra ka kehna hai ke unki dosti purani hai aur wo Eid par dobara aik saath thay, magar aaj kal social media mamooli baat ko bhi bari “controversy” bana deta hai.
Adakaara Resham ne Humayun Saeed ki sharafat ka qissa share kiya hai. Unhon ne bataya ke “Mere Paas Tum Ho” ki kamyabi par Humayun ghabra gaye thay aur unhe yaqeen nahi aa raha tha. Resham ke mutabiq, Humayun ne unki bhanji se mil kar sabit kiya ke wo itne bare star hone ke bawajood be had ache insan hain.
Ali Ansari ne apne naye drama “Muamma” ke set par hone wala aik khofnaak waqia share kiya hai. Unhon ne bataya ke set ke washroom mein aik crew member ne paranormal activity mehsoos ki, jis ke baad Ali ne wahan jana hi chhor diya. Is waqiye ke baad set par mojood tamam log dehshat mein mubtala ho gaye.
Mashhoor host aur adakaara Maya Khan ke “Baba Jan” is duniya se rukhsat kar gaye hain. Maya Khan ne Instagram par is dukh bhari khabar ka elan kiya aur bataya ke wo Liaquat Ali Khan ke potay thay. Walida ke inteqal ke baad is bare sadme ne Maya Khan aur unke chahne walon ko ghamzada kar diya hai.
