Megan Kerrigan, jo Astronomer ke CEO Andy Byron ki wife hain, unho ne apne Facebook account se Byron ka surname hata diya aur account bhi deactivate kar diya. Andy Byron ko apni company ki HR head ke saath Coldplay concert mein cheating karte huay dekha gaya. Viral video mein dikhaya gaya ke camera aate hi Byron ne apna chehra chhupa liya.

Bijli ke sarfeen ke liye achi khabar hai ke eik mahine ke liye 65 paisa par unit bijli sasti honay ka imkaan hai. CPPA ne June ke liye fuel price adjustment ki darkhwast NEPRA ko de di hai. NEPRA is par 30 July ko samaat karega. Yeh kami Lifeline aur Karachi ke sarfeen par apply nahi hogi.

Aaj 19 July 2025 ko Pakistan Open Market mein mukhtalif mumalik ki currencies ke buy rates kuch is tarah hain: U.S. Dollar 288.20 PKR, Euro 334.40 PKR, British Pound 386.40 PKR, UAE Dirham 78.50 PKR, Saudi Riyal 76.75 PKR, Kuwaiti Dinar 931.70 PKR, Canadian Dollar 210.40 PKR, Australian Dollar 185.90 PKR, Malaysian Ringgit 66.40 PKR, Swiss Franc 352.88 PKR, Indian Rupee 3.22 PKR.

Clove ka pani apni fitrati Khasusiyat ki wajah se gas aur mun ki Badboo ka behtareen ilaj hai. Raat ko iska istemal dimagh ko pur-sukoon banata hai aur neend lane mein madad deta hai. Ye un afraad ke liye bhi mufeed hai jo neend na aane, sugar, blood pressure aur khansi ka shikar hain. Ye liver ko detox aur skin ko glow karta hai

Mashhoor YouTuber Ducky Bhai se eik podcast mein sawal kiya gaya ke agar kabhi Pakistan chhorna para toh woh kis mulk ko choose karenge. Ducky Bhai ne jawab diya Malaysia. Unka kehna tha ke wahan ka Muslim mahol, logon ka acha rawayya aur modern infrastructure aesa lagta hai jaise Time Square mein ho. Wahan woh apni retired life guzarna pasand karenge.

Aaj kal ke nojawan har faislay se pehle yeh sochta hai ke log kya kahenge. Aksar nojawan unhi logon ki parwah karta hai jinhon ne zindagi mein khud kuch achieve nahi kiya hota. Mahireen ka kehna hai ke jab bhi aesa khayal aaye tou foran khud se kehna chahiye “Main sab se best hoon!“ Zindagi apni hai, faislay bhi apne honay chahiye.

Imran Ashraf ne apni pehli Punjabi film “Enna Nu Rehna Sehna Ni Aaunda” ka poster Instagram par share kiya, jo fans ko bohot pasand aaya. Ye Canadian Punjabi comedy film international students ki zindagi aur mushkilaat par mabni hai. Film ke Director Rupan Bal hai, Writers Surinder Arora,Bhindi Tolawal, jabke actors mein Sapna Pabbi, Imran Ashraf aur Nasir Chinyoti shamil hain.

Mashhoor social media activist Farkh Khokhar, jo Taji Khokhar ke beta hain aur TikTok par 333 ke naam se mashhoor hain, Dera Taji Khan Khokhar mein Maulana Fazal-ur-Rehman ki mojoodgi mein JUI-F join kar li hai. Taqreeb mein unhon ne kaha ke unke prime minister aur president Maulana Fazal-ur-Rehman hain.

Mashhoor TV actress Tuba Anwar ne Instagram par apni naye look ki pictures share ki jismein wo pink T-shirt aur blue jeans mein nazar aayi. Pictures share karte hue unhon ne likha ke jitni khoobsurat lagti hoon, bank account utna khaali ho jata hai. Social media par fans ne pictures ko pasand keya aur dilchasp comments kiye.

Pakistan aur duniya bhar mein gold ki qeematon mein izafa dekha gaya hai. Pakistan mein 24 karat gold ka eik tola 2500 rupay mehnga hokar 357600 rupay ka hogaya hai, jabke 10 gram gold ki qeemat 2143 rupay barh kar 306584 rupay par pohanch gai hai. Duniya bhar mein bhi izafa dekha gaya hai, jahan eik ounce gold ki qeemat 3351 dollar tak pohanch gai hai .