Faisal-Rehman ne reveal kiya ke woh ab bhi happily-single hain. Unka kehna hai ke zindagi mein kai log aaye lekin kabhi dil se shadi karne ka emotions kabhi paida nahi hue. aik podcast mein baat karte hue unhon ne kaha ke unki strange social media videos bhi planned hoti hain aur woh sirf logon ka reaction dekhne ke liye post karte hain.
Sana Javed ne Shoaib Malik ka birthday simple home celebration ke saath manaya. Sana ne cake ke saath unhein surprise diya aur social media par pyara sa message bhi share kiya. Unhon ne likha ke Shoaib ki kindness aur caring nature unki zindagi ko behtar banati hai aur woh unke saath life spend karne par khud ko lucky mehsoos karti hain.
Emmad Irfani aur unki wife Maryam Shafaat ne pehli dafa apne marhoom bete Zaviyar ki memories share ki hain. 12 saal ka Zaviyar pool accident mein wafat pa gaya tha. Couple ne bataya ke unki ek beti Ella Noor bhi hai. Unka kehna hai ke teen saal baad bhi woh Zaviyar ki presence mehsoos karte hain aur uski yaadein unhein sukoon deti hain.
Producer Abdullah Seja ne har saal ki tarah is dafa bhi industry ke liye grand Suhoor night host ki. Is star-studded gathering mein Ayeza Khan, Danish Taimoor, Zara Noor Abbas, Merub Ali aur Fahad Mustafa samait kai bade celebrities shamil hue. Abdullah Seja aur unke bhai Jerjees Seja, Pakistani drama industry ke kai hit projects ke peeche rahe hain.
Sidra Niazi ki shadi phir se discussion mein agayi. Actress ne reveal kiya ke unki shadi 18 saal ki age mein ho gayi thi aur unke husband apni privacy maintain karte hain. YouTuber Zunaira Mahum ke mutabiq Sidra ke husband ek powerful news channel head hain, jabke netizens andaza laga rahe hain ke unke father-in-law mashhoor scholar Javed Ghamdi ho sakte hain.
