Pakistani Actor aur director Shamoon Abbasi ne aik show mein kaha ke sirf “tarbiyat” par bharosa karna bekaar hai. Unke mutabiq bachay lectures se nahi, balkay parents ke actions se seekhtay hain. Unhon ne yeh bhi kaha ke har ghalat rawayye ka zimmedar walidain ko nahi thehraya ja sakta.
Host aur actress Nadia Khan ne Tabish Hashmi ke show mein apna secret share kiya. Unka kehna tha ke diet, exercise aur positive soch sabse important hain. Cosmetic procedures se bachna chahiye, fillers kabhi kabhi theek hain. Nadia ne kaha ke negativity chehre ko jaldi budha kar deti hai, is liye hamesha positive rehna chahiye.
Bilal Abbas Khan ko Madinah mein secrectly film karna kar gaya fans ko naraz. Fans ne criticism kiya ke unki ibadat ke waqt videos lena aur share karna ghalat hai. Bilal Abbas Khan ke Masjid-e-Nabwi aur Khana Kaaba ke personal moments ki izzat ki jaaye, unka kehna hai ke permission ke bagair record nahi karna chahiye.
Ramzan transmission mein aik Mufti ke bayan ke baad actress Urwa Hocane phir public debate ka hissa ban gayi hain. Mufti ne unke surname “Hocane” par aitraz karte hue kaha ke Islami naamon ko jaan boojh kar badalna ya bigarna jaiz nahi. Bayan viral hotay hi social media par behas chhir gayi.
Actress Sidra Niazi ne apni shadi se mutalliq ahem inkishaaf kiya. Unhon ne bataya ke unki shadi 18 saal ki umar mein ho gayi thi aur woh khushgawar zindagi guzar rahi hain. Sidra ne kaha ke unki family ne hamesha unka saath diya aur showbiz join karne par kabhi rukaawat nahi bani.
