Pakistani music industry ke mashhoor singer Gohar Mumtaz aur Aima Baig ka naya gaana “Har Saal” release ho gaya hai. Gaana Gohar Mumtaz ne khud likha aur compose kiya hai, jabke is project mein unke band Jal ne bhi hissa liya hai. Music video emotions aur creativity par based hai.
Ahmed Shehzad Pakistan Super League 2026 ki auction mein ignore hone par emotional ho gaye. Program Harna Mana Hai mein unhone kaha ke unhe PSL khelne ka bohot dukh hai, unhone 18 saal Pakistan cricket ko diye hain. Sabse zyada dukh is liye ke unka 9 saal ka beta unhe khelte dekhna chahta hai. Pehle bhi do editions miss kiye the.
Fiza Ali ne podcast mein Mian Yousaf Salahudin ka interview kiya jahan unhon ne modern day red light areas par khulay alfaz mein baat ki. Yousaf Salli ka kehna tha ke Heera Mandi ab Defence tak phail chuki hai, jahan activities khulay aam ho rahi hain aur shehri mehfooz mehsoos nahi karte.
Superstar Fahad Mustafa ne actress Mahira Khan ko zabardast andaaz mein tribute dete hue kaha ke Fahad Mustafa, Humayun Saeed aur Fawad Khan bohat ho sakte hain, lekin Mahira Khan sirf ek hi hain. Yeh baat film ki ta’arufi taqreeb mein kahi gayi, jahan Humayun Saeed bhi mojood thay aur audience ne zor daar taaliyon se taeed ki.
Actress aur model Areej Chaudhary ne Mazaq Raat mein bataya ke woh kabhi kisi ko bhi apne liye love confession karne nahi deti. Agar kisi ko feelings hoti hain aur woh interested nahi hoti, toh woh foran distance kar leti hain. Areej kehti hain ke one-sided love time waste hai aur kisi ka dil todna ghalat hai.
