America ke mashhoor reham dil retired Judge Frank Caprio 88 saal ki umar mein pancreas cancer ke sabab inteqal kar gaye. Woh kuch dinon se hospital mein under treatment the. Apne insaaf pasand aur reham dil faislon ki wajah se duniya bhar mein mashhoor the. 40 saal service ke baad is saal retire hua. Unka aakhri video message social media par viral hai.

Lahore sessions court ne YouTuber Ducky Bhai ki wife Aroob Jatoi ko gambling apps promote karne ke case mein 30 August tak interim bail de di. Court ne unhe investigation join karne ka hukum diya. NCCIA ke mutabiq Ducky Bhai gambling app ka “country manager” tha, jo betting platforms promote karke logon ko nuksan pohchata raha.

DG ISPR Lt Gen Ahmed Sharif ne kaha ke COAS Asim Munir ne Brussels visit ke doran PTI ya Imran Khan par koi baat nahi ki. Suhail Warraich ki report ko fabricated qarar diya gaya. DG ISPR ne kaha media ko unverified khabrein publish nahi karni chahiye. Unhone dobara kaha 9 May ke zimmedar law ke samne aenge.

Supreme Court ne PTI founder Imran Khan ki 9 May waqia se related 8 cases mein bail approve kar di. Chief Justice Yahya Afridi ki sarbarahi mein teen-member bench ne faisla diya. Prosecution ne polygraph test ka zikr kiya lekin SC ne kaha evidence trial court prove kare. SC ne Imran Khan ki release ka bhi hukum diya.

Pakistan, China aur Afghanistan ne trilateral dialogue mein terrorism ke khilaaf mil kar kaam karne aur trade, transit, education, health aur culture mein ta’awun barhane ka wada kiya. Ishaq Dar ne TTP aur BLA ke khilaaf Afghan actions ki demand ki, jabke Afghan minister ne Pakistan ko yaqeen dilaya ke unka ilaqa terrorists ke liye use nahi hoga.

Karachi airport par mausam kharab hone se 12 se zyada domestic aur international flights delay aur eik flight cancel ho gayi. Iraqi, Airblue, Qatar, Flydubai, Etihad aur PIA ki flights late hui. Saath hi 2 din ki barish ke baad K-Electric ke 98 feeders band, jis se kai ilaaqa 48 ghante se bijli aur paani se mehroom hain.

Karachi mein do bhai Israr aur Siraj Khan barish ke doran zinda, taar se electrocute ho kar jaan se gaye, Shah Faisal Colony police ne K-Electric CEO aur officials k khilaaf case register kar liya. Shiddat ki barish ne sheher dooba diya, roads band, lambi bijli bandi, paani ki shortage aur traffic halat kharab, log sarakon par protest karne lagay.

Karachi mein do din ki barish ke baad bijli ka bohraan jari, K-Electric ke 98 feeders band hone se kai ilaaqa 48 ghante se light aur paani se mehroom. Shah Faisal Colony police ne KE CEO Moonis Alvi aur officials par case darj kiya. 2 bhai current se jaan bahaq. Shehar urban flooding aur traffic block ka shikar.

PCB ne Karachi ki shiddat bhari barishon ke bawajood women’s U19 aur Emerging players ke talent hunt trials jo 21 August ko hone tha, reschedule kar diye. Ab ye trials 2 September ko Hanif Mohammad High-Performance Centre mein honge. Idhar shehar mein urban flooding se 15 afraad jaan se gaye, magar mausam department ke mutabiq 21 August se behtari ka imkaan hai.

Karachi ke kai underpasses aur bara roads dewater kar ke dobara khol diye gaye hain. Clifton, Submarine underpasses, Shaheen Complex, Shahrah-e-Faisal aur MA Jinnah Road reopen ho gaye. Korangi Causeway, EBM Causeway aur Nazimabad underpasses abhi band hain. Sindh sarkar ne 250 pumps provide kiye. CM Murad Ali Shah ne future drainage aur flood recovery par zor diya.