NADRA ne announce kiya ke system upgrade hoga jiske zariye services aur facilities behtar banai ja rahi hain. 22 August Friday ki raat 11 baje se 12 baje tak kuch services temporarily affect ho sakti hain. NADRA ne citizens se maazrat kar li. NADRA CNIC, birth, death, B-form aur family registration jaise documents issue karta hai.

Pakistan aur Bangladesh ne visa free entry ka moahida tay kar liya. Dono mulkon ke diplomats aur official passport holders bina visa ke eik dosray ke mulk ja saken ge. Agreement 5 saal tak effective rahega, baad mein renew ho ga. Advisory councils ne approval di. Qadam dono mulkon ke relations aur cooperation mazboot karega.

India ne French company ke sath fighter jet engines banane ka plan announce kar diya. Defence Minister Rajnath Singh ke mutabiq aircraft engines India mein hi manufacture honge. Media reports Safran ka naam le rahi hain. India ne abhi France se 26 Rafale jets ka deal bhi sign kiya, MiG-29K replace honge. 2033 tak $100 billion ke defence contracts announce.

Karachi mein Gadap police ne Asfand naam ka shakhs ko giraftar kar liya jo 60 lakh ke fake notes market mein phailane aya tha. Usne bataya ke Darra se 1 lakh ke naqli notes 16–17 hazar mein milte hain, aur usay per packet 2 hazar commission milti thi. Fake currency Karachi aur Multan mein supply hoti thi. Case register, tehqiqaat jari

South Korea ne warning shots fire kiye jab kuch North Korean soldiers DMZ cross kar gaye. Naye leader Lee Jae Myung ne North ke sath dialogue aur “military trust” ka wada kiya, lekin North ne interest nahi dikhaya. Pyongyang ne tension badhne ka ilzaam lagaya aur nuclear weapons expand karne ka signal diya.

PSCA ne women’s colleges aur universities mein panic buttons lagana shuru kar diya hai, CM Maryam Nawaz ke directive par. Pehle phase mein 39 institutions cover hua hain, aur baad mein 450 se zyada colleges mein expand hoga. Buttons central control room se linked hain aur alert Virtual Women Police Station ko bhejte hain, taake students ko turant help mil sake.

Deputy PM aur Foreign Minister Ishaq Dar ka Bangladesh ka historic daura, 2012 ke baad sabse high-level visit. Dhaka mein interim leader Muhammad Yunus se mulaqaat aur trade agreements sign honge. Analysts ke mutabiq India barhe ghaur se developments dekh raha hai, Hasina ke ouster ke baad Pakistan, Bangladesh relations naye morh par.

Aaj 23 Aug 2025 ko Pakistan Open Market mein mukhtalif mumalik ki currencies ke buy rates kuch is tarah hain: U.S. Dollar 283.6 PKR, Euro 327.75 PKR, British Pound 379.20 PKR, UAE Dirham 77.2 PKR, Saudi Riyal 75.50 PKR, Kuwaiti Dinar 917.75 PKR, Canadian Dollar 202.50 PKR, Australian Dollar 180.50 PKR, Malaysian Ringgit 66.4 PKR, Swiss Franc 347.32 PKR, Indian Rupee 3.15 PKR.

Rana Sanaullah ne kaha ke police chief ne Aleema Khan ke beta Shah Riaz ki arrest ko deny kar diya hai. PTI leader Sheikh Waqas Akram ne claim kiya ke Punjab government is kidnapping ke peeche hai aur Chief Justice Lahore High Court se notice lene ki appeal ki. Rana Sanaullah ne abhi allegations ko sirf allegations qarar diya.

UK PM Keir Starmer ko immigration policies par tanqeed ka samna hai, kyunki asylum claims record 111,000 par pohanch gaye. June tak 32,000 asylum seekers hotels mein housed hain, small boats se arrivals 38% barh gaye. Labour critics kehte hain borders control kho diya, jabke pro migrant groups far right tensions ko exploit kar rahe hain.