PPP ke rehnuma Saeed Ghani ke bhai Farhan Ghani aur unke saathiyon ko government official par tashadud ke ilzaam me arrest kar liya gaya. FIR me Farhan Ghani, Qamaruddin, Shakeel, Sikandar aur Rouhan ke naam shamil hain. Incident 22 August ko Shahrah-e-Faisal par hua, official ko gaaliyan di, maar peet ki aur petrol pump ke kamre me band kiya. Police investigations jari hain.

Aaj 24 Aug 2025 ko Pakistan Open Market mein mukhtalif mumalik ki currencies ke buy rates kuch is tarah hain: U.S. Dollar 283.6 PKR, Euro 327.75 PKR, British Pound 379.20 PKR, UAE Dirham 77.2 PKR, Saudi Riyal 75.50 PKR, Kuwaiti Dinar 917.75 PKR, Canadian Dollar 202.50 PKR, Australian Dollar 180.50 PKR, Malaysian Ringgit 66.4 PKR, Swiss Franc 347.32 PKR, Indian Rupee 3.15 PKR.

Think tank report ne kaha ke Pakistan ka mojooda nizaam economy ke masail hal karne mein nakam. Tajwez di gayi ke mulk ko 12 se 20 chhote provinces ya 38 federal divisions mein taqseem kiya jaye. Is se governance behtar hogi, poverty aur unemployment kam hogi, aur tax reforms se GDP barh sakega.

Khawaja Sarao ki maaon ne apne dukh aur jazbaat ka izhar kiya. Unka kehna hai ke bachay silai seekh kar jobs kar rahe hain aur ghar ka kharcha bhi chal raha hai. Balochistan ki NGO SCSPEB izzatdaar rozgar ke liye koshish mein hai. CNIC, taleemi seats, vote aur virasat ke haqooq mile lekin amal daramad abhi kam hai.

Chairman NDMA Lt Gen Inam Haider Malik ne kaha ke Sindh, Punjab aur Gilgit Baltistan se flood ka khatra abhi khatam nahi hua, aglay do haftay bohat khatarnaak ho sakte hain. 30 August tak heavy rains aur landslides ka imkaan hai. Darya-e-Sutlej ka pani 2 lakh cusecs tak barh sakta hai, evacuation zaroori. Army, FC aur govt relief mein masroof hain.

Karachi mein bijli band hone ne sab records tod diye. Barish ke dinon baad bhi KE ka system poora restore na ho saka, feeders aur cable faults ki wajah se supply band hai. Model Colony, Gulshan, Surjani, Scheme 33 aur Gadap mein ghanton ki loadshedding se shehri pareshaan. Shehriyon ka shadeed ehtijaj, KE aur hukoomat se foran action ka mutalba.

FIA ne Gujrat aur Gujranwala mein action karte hua 4 mulzim giraftar kiye jo human smuggling aur visa fraud mein mulawis tha. Sabir Hussain, Shamshad Ali, Talha aur Muneer Ahmed logon se paisay le kar farar ho gaye tha. FIA ne eik aur mulzim Sajjad Ahmed ko bhi pakra jo Turkish Embassy mein fake bank statement ke sath visa apply kar raha tha.

Karachi mein medicine ki qeematon mein shadeed izafa, mareez aur unke ghar walay pareshan. Multivitamin injection 1100 se barh kar 1400 hogaya, pet ki tablets 100 rupay mehangi. Khoon aur dard ki medicine mein 100 se 200 rupay izafa hua hai. Sugar ki medicine 470 se 650, blood cancer ki medicine 62,500 se barh kar 69,999. Injection bhi 3,000 rupay mehanga.

Sindh Labour Minister Shahid Thaheem ne kaha ke Workers Welfare Board ke zariye 10 hazar free electric bikes industrial women workers ko di ja rahi hain. Registration shuru ho chuki hai, aur applications official website [www.wwbsindh.gov.pk] par submit ki ja sakti hain. Scheme mein 45 saal tak ki women eligible hain, jabke minorities ke liye 20% quota rakha gaya hai.

NAB Rawalpindi ne B4U fraud case ke ab tak 17,500 victims ko payments dena shuru kar diya, 3.7 billion rupees cheques distribute ho chuke hein. Is scheme mein 7% monthly profit ka wada karke arbon lootay gaye. Eik mulzim ke 56 accounts aur properties freeze, 7.3 billion recovery shuru. 10,000 victims ko full payment, 7,500 ko 40% mile.