Adnan Shah Tipu ne khulasa kiya ke eik dafa wo itna zyada apne character mein doob gaye the ke unhe sambhalna mushkil ho gaya tha. Unhon ne bataya ke us waqt Nauman Ijaz ne unki madad ki aur unhe “reality” mein wapas laya. Tipu ne kaha, “Nauman bhai ko dekha, jo ro kar foran hans pade wahi pal meri zindagi badal gaya.”

TikTok creator se actress bani Romaisa Khan ne entertainment industry ka eik bara masla samne laya late payments. Unhone kaha ke bohot se actors, including unka khud ka, apni payments ke liye baar baar follow-up karte hain jo unke liye uncomfortable hai. Romaisa ne is masle ka solution dhoondhne ki zaroorat bhi highlight ki.

Anurag Kashyap ne film promotions ko “fazool kharchi aur dikhawa” qarar diya. Unka kehna hai ke ab filmon ki kamyabi kahani ya acting par nahi balke “kitna shor machaya gaya” is par depend karta hai. Anurag ne kaha ke South Indian industry ki tarah Bollywood mein bhi promotions par kharch ki had honi chahiye, taake chhoti filmein daba na di jayein.

Anupama Parameswaran ne eik 20 saal ki larki ke khilaaf legal action shuru kar diya, jis ne unki fake aur edit ki gayi tasveerain social media par phela kar jhoote ilzaam lagaye the. Anupama ne kaha ke wo larki ki kam umri ki wajah se uska naam zahir nahi kar rahiin. Kerala Cyber Crime Police ne tafteesh shuru kar di hai.

Mashhoor actress Neelam Muneer ki apne shohar Muhammad Rashid ke saath Dubai ke Zam Zam perfume launch se viral videos ne social media par dhoom macha di! Neelam ne black silk suit pehna jabke Rashid Arabic kandoora mein nazar aaye. Fans ne couple ki chemistry ko pasand kiya aur dua di, “Mashallah, perfect jodi!”

Ahsan Khan ne khulasa kiya ke unhon ne apni biwi aur bachon ke liye apni social life qurbaan ki۔ Ahsan ne bataya ke unka khandaan Lahore chhor kar Karachi shift hua, jahan unki biwi ke na dost the na rishtedaar۔ Unhon ne kaha ke main ne bhi apni social activities kam kar di taake apni biwi ko support kar sakoon.

Pakistan ki ubharti hui actress aur model Anzela Abbasi ne apne walid aur walida ki talaq aur maa ki struggles par khul kar baat ki. Unhone kaha ke walid Shamoon Abbasi behtareen actor hain, magar woh unki tarah nahi banna chahti. Anzela ne apni khud mukhtari aur career growth ke irade ka izhar bhi kiya.

Social media par Dananeer Mobeen ki bachpan ki eik purani PTV video viral ho gayi! Is video mein chhoti si Dananeer camera ke samne poore confidence ke sath keh rahi hoti hain, “Main aapka show dekhti hoon, kya main iska hissa ban sakti hoon?” Fans ne unke bachpan ka confidence aur pyari personality ki tareefon ke pull baandh diye!

New York ke naye mayor Zohran Mamdani aur unki wife Rama Duwaji ki modern dating app love story sab ko inspire kar rahi hai. Dono ka rishta popular app Hinge par shuru hua, kuch saal baad February 2025 mein NYC ke Clerk’s Office mein shadi ki, aur phir unhone Uganda mein bhi shadi ka jashan manaya.

Bolly­wood actress Anushka Sharma 7 saal baad film industry mein wapsi ke liye tayyar hain، lekin is dafa cinema ki jagah Netflix ke streaming platform par nazar aayengi۔ Unki wapsi sports biographical film ‘Chakda Express’ ke zariye hogi, jo Indian Women Cricket team ke World Cup jeet par mabni hai۔ Film ki shooting 2022 mein mukammal hui thi, lekin release abhi pending hai