Drama Jama Taqseem ke actors Nazeeha Zainab aur Elahi Bux Khan eik bridal photoshoot ke baad shiddat se tanqeed ka nishana ban gaye. Fans ka kehna hai ke unka shoot ghalat waqt par aaya hai kyunke drama mein dono ke darmiyan rishta nazuk aur samaji issue par mabni hai. Makeup artist ne wazahat di ke shoot drama se mutaliq nahi.

Mahira Khan ke baad ab Saba Qamar par bhi botox aur lip fillers karwane ke ilzamat lag gaye. Drama Pamaal ke eik emotional scene ke baad fans ne kaha ke unke chehre par botox ke asraat wazeh hain aur unki age zyada nazar aa rahi hai. Dubai ki eik doctor ne tasdeeq ki ke unhon ne halka botox karwaya hai.

Aaj ke daur mein jab zyadatar actors social media pe controversies aur relationships ki wajah se mashhoor hote hain, Ahmad Ali Akbar un fankaro mein se hain jo sirf apne kaam ki wajah se pehchane jate hain. “Sang-e-Mah” ke baad unka acting style itna acha raha ke unhone screen par Feroze Khan tak ko peeche chhod diya.

Ali Zafar ne apne interview mein kaha ke jab unhon ne Bharat mein kaam kiya, to dekha ke wahan log doosron ki kamyabi se khush hotay hain, lekin Pakistan mein log aksar eik doosre se jalan mehsoos karte hain. Unka kehna tha ke hamare yahan khushi kam aur hasad zyada hai, log doosron ki success bardasht nahi karte.

Bollywood ki mashhoor dancer Rakhi Sawant ne eik naya hairan kun daawa kar diya hai unka kehna hai ke “Donald Trump mere asal walid hain.” Rakhi ne bataya ke unki marhoom walida ne inteqal se pehle eik khat chhoda tha jisme likha tha ke unke walid asal mein former US President Donald Trump hain.

South Indian Kannada film industry ke mashhoor actor Harish Rai, jo KGF series mein apni zabardast acting ke liye jane jate the, cancer se lambi jang ladne ke baad aaj intiqal kar gaye. Unki umar 55 saal thi. Harish Rai ne Tamil aur Telugu films mein bhi kaam kiya aur apni shandar performance se shohrat hasil ki.

Durefishan Saleem ne apne taaza interview mein shadi aur mard ki zimmedariyon par khul kar baat ki. Actress ne kaha ke purane daur ke mard rishton ko nibha lete the, lekin aaj kal ke mard sirf dikhawa karte hain. Unka kehna tha ke mehngai aur self-centered soch ne shadi ki asal ahmiyat ko khatam kar diya hai.

Mashhoor Pakistani singer Aima Baig ne apna Instagram account deactivate kar diya hai, jiske baad fans ne social media par kai sawalat uthaye hain. Aima ke account par “User not found” likha aa raha hai, jis se loug andaza laga rahe hain ke ya to unhon ne break liya hai ya koi personal wajah hai.

Superhit series “Dhoop Ki Deewar” ne aakhirkar YouTube par debut kar liya! Pakistani fans ke liye khushi ka mauqa, kyunke ab Zindagi’s YouTube channel par ye star-studded drama stream ho raha hai. Umera Ahmed ki likhi aur Haseeb Hassan ki direct ki gayi ye kahani dobara logon ke dil jeet rahi hai!

Asim Azhar ki latest posts ne social media par toofan macha diya! Fans ne notice kia sunflower emoji jo unke last vlog ka callback tha aur lyrics “Hania Janiya” ne sabko curious kar dia. Log keh rahe hain, ye kya Hania Aamir ka soft launch hai? Confirmation nahi, magar clues to bohot strong hain!