CM Sindh Murad Ali Shah ka kehna hai ke Karachi ko rozana demand puri karne ke liye 15,000 buses chahiye. World Bank ke sath mil kar Karachi Transport Master Plan launch, jisme BRT, metro rail, Circular Railway aur electric buses shamil. Yellow Line BRT Dec 2025 tak ready hogi, roz 3 lakh passengers travel karenge.

Islamabad mein Deputy PM Ishaq Dar ne high-level meeting chair ki jisme IT aur Telecom reforms discuss hua. Finance Minister Aurangzeb, Tariq Bajwa aur key secretaries shamil. Focus: digital infrastructure, connectivity, foreign investment aur export boost karna. Dar ne kaha Pakistan ki digital potential unlock karna zaroori hai. Strong policies aur e-governance solutions par bhi zor diya gaya.

PM Shehbaz ne Finance Ministry ko IMF se guzarish karne ka hukum diya ke flood affectees ko 1 mah electricity bill exemption mile. Punjab govt ne 25 flood-hit districts mein survey ke liye 1,710 Army personnel mang liye. Floods se 97 afraad jaan bahaq, 4,500 se zyada gaon doob Gaye, 4.5 million log mutasir, relief camps qaim.

Qayyumabad mein juice vendor Shabbir Ahmed arrest, 100 se zyada choti larkiyon (5–12 saal) ka sexual abuse confess. Police ko diary, 300+ videos milein mobile aur USB se. Eik victim ne USB chhupke shopkeeper ko di, jis se pakra gaya. Ab 5 din ke remand par hai. Case ne shehar ko hila diya, social media outrage barh gaya.

Hukoomat-e-Pakistan ne IMF se mini-budget ke zariye naye municipal tax ki ijazat mang li, jo Jinnah Medical Complex Islamabad (Rs213 billion project, 3 saal mein complete) ke liye fund hoga. Govt ne Rs3.5 billion allocate kar liya, Rs30 billion emergency funds aur Panda bonds returns ka option bhi under review hai. IMF team 25 Sept–8 Oct Pakistan aye gi economic review ke liye.

TikToker Samiya Hijab ne Hassan Zahid ke khilaaf case officially wapas le liya aur Allah ke liye maaf kar diya. Samiya ka kehna hai Hassan ne apne jhoote ilzaam wapas le liye aur wada kiya ke dobara tang ya nuksaan nahi karega. Uske walid aur cousin ne ghar aa kar maafi maangi, jis par Samiya ne maafi ko behtareen rasta chuna.

Indian actress Karishma Sharma chalti train se gir gayi or serious injury ho gayi. Pyaar Ka Punchnama 2 aur Ek Villain Returns ki star ne bataya ke woh shoot ke liye train le rahi thi, doston ko miss karta dekh jump kiya aur sar pe chot lag gayi. Ab hospital mein admitted hai, MRI aur observation chal rahi hai. Duaon ki darkhwast.

Supreme Court ne Sindh High Court judge Justice Khalid Shahani ke beta Hunain Tariq ke 2014 qatal case mein death row convicts Sikandar Lashari aur Irfan alias Faheem ko bari kar diya. Justice Athar Minallah ke short order mein trial aur High Court ke faislay set aside hua. SC ne flawed investigation aur weak prosecution ko wajah qarar diya.

Sindh govt ne tamam schools, colleges aur universities mein cigarettes, vape, gutka aur tamaam tobacco/nicotine products par ban laga diya. Notification Education Dept ne issue kar diya. Govt ka kehna hai youth ki health protect karna priority hai. Saath hi Anti-Narcotics Act 2024, sakht sazain, special courts, rehab centres aur helpline 021-111-374-634 bhi launch ki gayi.

SC ne faisla diya ke aurat ka kharcha (financial support) rukhsati ya shadi ke consummation se nahi banta, nikah hone ke saath hi haq milta hai. Justice Mansoor Ali Shah aur Justice Aqeel Abbasi ki bench ne Lahore High Court ka faisla kharij kar diya. Court ne kaha ke rukhsati sirf riwaj hai aur kharcha talaq aur iddat tak jari rehta hai.