Pakistani actor Zahid Ahmed ne kaha ke unka yaqeen awards par nahi balki farishton aur akhirat par hai. 😇 Ahmed ne Ahmed Ali Butt ke podcast mein bataya ke awards sirf izzat ka zariya hain, asal iman Allah, farishton aur akhirat mein hota hai. Unhone do martaba Best Actor award jeetne par apni khushi bhi share ki.

Ananya Panday ne show ‘Two Much With Kajol and Twinkle’ par Gen Z ka defence kiya! Unhone kaha ke aaj ki generation apni feelings aur mental health ko samajhti hai aur khule taur par baat karti hai. Farah Khan aur Twinkle Khanna ne mazak mein kaha, “Gen Z toh har cheez se traumatise ho jaati hai!”

Karan Johar ne apne dad, Yash Johar, ke bare mein pyar bhari yaadein share ki! Unhone kaha ke jab Kuch Kuch Hota Hai release hui, unke dad ne unhe James Cameron samajh liya aur kehte, “Mera beta director number 1 hai, globally!” Karan ne bataya ke unke dad ne hamesha unko support aur pyaar kiya.

Farhan Saeed ne announce kar di apni pehli solo album “KHAT”! Do Decade tak hit songs dene ke baad, ab wo nayi musical journey start kar rahe hain. Album 14 November ko release hogi, jisme 10 tracks shamil hain. Fans ne teaser dekh kar social media par dhamaka macha diya hai!

Shehnaaz Gill ne eik interview mein maana ke unhone apne ex-boyfriend ko dhoka diya tha! Unka kehna tha ke wo khud ko pyaar aur ahmiyat se mehroom mehsoos kar rahi thi. Shehnaaz ne kaha ke relationship mein give and take hona chahiye, warna sab bekaar ho jaata hai. Unhone financial barabri par bhi zor diya!

Pakistan ki Mashhoor social media or TikTok star Kanwal Aftab ne eik emotional interview mein apne waalid se taluqaat par dil khol kar baat ki. Unhon ne kaha ke unke walid na un par fakhar karte hain aur na hi unhein apni beti mante hain. Kanwal ke mutabiq ye baat unke liye bohot dukh aur takleef ka sabab hai.

Laiba Khan ne apne interview mein kaha ke Bollywood tak pohanchna har actor ka khawab hota hai, kyunke wahan talent ki sach mein qadar hoti hai. Unhon ne kaha ke India mein mard aur aurat dono ki acting ko barabar ahmiyat di jati hai, jabke Pakistan mein aksar sirf khoobsurti aur smart lagna hi kaafi samjha jata hai.

Ramsha Khan ne khulasa kiya ke showbiz industry mein khud pasand logon ki kami nahi hai, lekin wo “jaisa des waisa bhes” ke formula par amal karti hain. Unhon ne kaha ke aise logon ke saath professional tor par acha rawayya rakhti hoon, magar asli zindagi mein unse milna aur rabta rakhna pasand nahi karti.

Naimal Khawar ne apne recent interview mein kaha ke woh khud ko bepanah khush-qismat samajhti hain ke unhe bilkul waisa life partner mila jaisa unhone Allah se manga tha. Unka kehna tha ke unki sabse badi dua ye thi ke unka shohar Allah ka khauf rakhne wala ho, jo aaj kal ke daur mein bohot mushkil milta hai.

Mashhoor TikToker aur influencer Samiya Hijab ne eik nayi controversy shuru kar di hai jab unhon ne kaha ke logon ke sakht comments aur constant judgment ne unhein chhote kapray pehnne par majboor kiya. Dubai shift hone ke baad Samiya apne bold lifestyle posts share kar rahi hain, jinhain social media par mix reactions mil rahe hain.