Bollywood superstar Shah Rukh Khan ne Kolkata mein legendary footballer Lionel Messi se mulaqaat ki. Messi, jo Argentina ke captain hain aur Inter Miami ke star player hain, Bharat ke tour par hain aur kai shahron ke football fans se mil rahe hain. Mulaqaat ke doran SRK ke beta Abram bhi saath the aur Messi ke saath tasveeren banayin.

2025 mein Bollywood ka trend badalta nazar aa raha hai jahan villains audience ki nazron mein heroes ban gaye hain. Riteish Deshmukh, Bobby Deol, Jaideep Ahlawat aur Akshaye Khanna jaise actors ne apni strong antagonist performances se films aur series mein spotlight le li. Layered characters aur zyada screen time ne villains ko kahani ka central hissa bana diya.

Mashhoor American singer Taylor Swift ne apni team ko 197 million dollars ka bonus de diya. Reports ke mutabiq 36 saala singer ne 21 mumalik mein 149 concerts kiye aur ticket sales se 2 billion dollars kamaye. Bonus ka elan hotay hi team ke afraad jazbati ho gaye, jab ke Taylor Swift ne shukriya ka khat bhi diya.

“Pawri Girl” se mashhoor actress Dananeer Mobeen ne apni mangni ki afwahon par reaction de diya. Social media par un ka naam Ahad Raza Mir ke saath jora ja raha tha, jis par actress ne Instagram story ke zariye sawal utha kar afwahon ko mustarad kar diya. Post ke baad users ne mukhtalif reactions diye.

Bollywood superstar Salman Khan ne Red Sea Film Festival Jeddah mein apni zindagi ke bare mein hairan kun inkeshaf kiya. Unhon ne bataya ke pichlay 25 saalon se kisi restaurant ya dinner outing par nahi gaye. Salman ka kehna tha ke un ki zindagi sirf shooting, ghar, airport aur hotel tak mehdood hai.

Pakistan ke Mashhoor shayar aur philosopher Jaun Elia ka aaj 94waan yom e pedaish manaya ja raha hai. Munfarid soch our shayri ki wajah se woh aaj bhi har umar ke logon mein maqbool hain or behad pasand kiye jate hain. Jaun Elia 1931 mein paida hue aur 2002 mein Karachi mein inteqal kar gaye.

Pakistani actor Bilal Qureshi ne kaha hai ke jis channel ke saath bhi kaam karta hoon, aakhir mein jhagra ho jata hai, kyun ke payments time par nahi hotin. Podcast mein unhon ne bataya ke imandari se kaam karne ke bawajood paise maangnay par channels rawayya badal lete hain.

Yami Gautam ne bataya ke unke husband Aditya Dhar unke sab se baray support system hain. Film Haq dekhne ke baad Aditya ne Yami ki bohot tareef ki aur hamesha unhein kaam continue karne ke liye encourage karte hain. Yami ne kaha ke Aditya hands-on father hain aur ghar aur career dono mein unka saath dete hain.

Anupama fame actress Sukirti Kandpal ne inkeshaf kiya ke 23 saal ki umar mein woh shadi karne wali thin, lekin zindagi ne naya mor le liya. Actress ka kehna hai ke us waqt woh khud ko shadi ke liye tayyar nahi samajhti thin. Ab woh apni zindagi se mutmaen hain aur long-term companionship ko tarjeeh deti hain.

Casting director Mukesh Chhabra ne clear kiya hai ke Dhurandhar mein Ranveer Singh aur Sara Arjun ke darmiyan 20 saal ka age gap kahani ki demand thi. Unka kehna hai ke Dhurandhar 2 mein is age difference ka poora reason samajh aa jayega, kyun ke yeh casting script ke mutabiq bilkul zaroori thi.