Federal Flood Commission ne NA committee ko brief karte hue kaha k constructions aur bridges nadiyon ke raaston me pani ka flow rok rahe hain. Officials ne bataya k Qadir Abad se Trimmu tak pani ka safar pehle 86 ghante tha jo ab sirf 12 ghante reh gaya. Committee members ne encroachments, climate change aur Bund todne ke faislay par concerns uthaye.

Pakistani students ke liye ahem khabar! British Council Pakistan ne un students ko hidayat di hai jo recently apne exam results hasil kar chuke hain aur UK mein higher education karna chahte hain ke wo foran student visa ke liye apply karein. CAS reference aur tamam zaruri documents ready honi chahiye. Application gov.uk/student-visa par submit ki ja sakti hai.

Lahore, Defence: Police ne mulzim Ahmed ko giraftar kar liya jo eik din pehle ghar mein ghus kar family ko bandi banaye baitha tha. Usne apne dost 32 saal ke Hassan ko hammer aur chaku se brutal tor par qatal kiya. Laash kamre se nikali gayi, aala-e-qatal baramad, aur case widow ki muddaiyyat mein darj kar liya gaya.

Honey Trap gang ki sargna Ghulam Batool adalat ke bahar se police ne girftar kar li! Batool ne Wasim par naukri ka jhansa dekar jhoota harassment ka case banaya aur us ke khandan se lakhon rupay taawan mangti rahi. Footage me 15 lakh ki demand aur 5 lakh advance maangna samne aaya. Inspector Sana Nazir ne case darj kar diya.

Legendary writer Nasir Adeeb, creator of Maula Jatt aur The Legend of Maula Jatt, ne Fahad Mustafa ka project reject kar dia! Eik podcast mein unho ne bataya k director Fajar Raza ne unhein dialogues likhne bulaya tha, magar script pasand na aayi. Adeeb ne foran Fahad Mustafa k samne reject kar dia, kehte hua “kahani kamzor hai.”

Bijli mehngi hone ka imkaan! Nepra 29 September ko fuel adjustment case sunega. August ki adjustment ke liye CPPA ne request file ki hai. Bijli 19 paisa per unit barh sakti hai jo K-Electric users par bhi lagu hogi. August mein 14.22 billion units produce hua aur cost 7.50 rupay per unit rahi.

Pakistani actor Faisal Rehman ne The Blue Truth podcast me Shahrukh Khan ki stardom aur acting par baat ki. Unho ne kaha ke London me Shahrukh se mulaqaat hui thi, jahan Moroccans bhi uske fan nikle. Faisal ne kaha: “Shahrukh screen par paani ki tarah flow karta hai, fans jeetne wale actors hi successful hote hain aur uske paas asli stardom hai.”

Karachi me drugs ke aadhi aur professional bhikario ke khilaaf operation! Do din me Gulshan-e-Iqbal, Alamgir Road aur Ferozabad se 34 bhikari aur drug sellers giraftar. 26 bachay Edhi Home shift, 8 hardcore bhikari police k hawale. Report commissioner ko submit. Bhikari mafia strong, signals aur bazaars par qabza, Ramzan me jannat bana lete hain!

DG Passports Mustafa Jamal Qazi ne announce kiya k Pakistan me passports ka backlog zero ho gaya! Bangladesh ke High Commissioner Iqbal Hussain ne Passport HQ visit karke modern facilities, AI-based production aur overseas Pakistanis ke liye online services ka jaiza liya. High Commissioner ne system reforms ko saraha aur is success ko bari kaamyabi qarar diya.

Punjab Govt ne E-Taxi Scheme 2025 launch kar di! Lahore me 1,100 electric taxis distribute hongi, baad me scheme dusre shehron tak phailayi jayegi. 10 hatchback aur sedan models, 4.9m se 10m tak price, 5 saal k easy zero-markup installments par milenge. Delivery 60–90 din me. Ab tak 2,261 applications receive, scheme eco-friendly transport promote karegi.