Shehnaaz Gill Ne Bataya Salman Khan Ke Parties Ka Asli Raaz
Shehnaaz Gill ne Salman Khan ke farmhouse parties ka asli raaz bataya. Film “Kisi Ka Bhai Kisi Ki Jaan” ke shoot ke doran unhone firsthand experience share kiya ke wahan log bikes aur ATVs pe ghoom rahe the, idhar-udhar chakkar laga rahe the, aur Salman Khan berries todh rahe the. Shehnaaz ne kaha ke Salman puri tarah desi aur hardworking hain.
Harshvardhan Rane, John Abraham Ke Nemesis Ke Taur Par Force 3 Mein Shaamil
Harshvardhan Rane John Abraham ki Force franchise mein shamil ho rahe hain aur Force 3 mein unke nemesis ka kirdar ada karenge. Rane eik morally grey NCB cop ka kirdar nibhayenge jiska twist bhi hai. Filming February 2026 se shuru hogi, Harshvardhan March mein join karenge. Female lead abhi finalize nahi hui, casting jari hai.
Govinda Ne Shadi Mein Bohat Ghaltiyan Ki Hai, ‘Hero Ki Biwi Ka Dil Pathar Jaisa Hona Chahiye’
Sunita Ahuja ne kaha ke unke husband ne shadi mein bohat ghaltiyan ki hain aur unko maaf karna unka farz hai. Sunita ne hints diye ke Govinda ki alleged affairs bhi hue. Unka kehna hai ke hero ki biwi ban’ne ke liye insaan ka dil pathar jaisa hona chahiye, aur wo apne pyaar ke liye qurbani dene ko tayyar hain.
‘Sunita Ahuja Ne Bohat Seh Liya, Mujhe Woh Sacchi Lagti Hain’: Rakhi Sawant
Bollywood ki bold aur bebaak actress Rakhi Sawant ne Sunita Ahuja ki tareef ki hai, unke bolne ke tareeqe aur khuli soch ki wajah se. Rakhi kehti hain ke Sunita ki shakhsiyat saaf-go aur dil ki baat kehne wali hai, jo unhe unique banati hai. Rakhi ne Sunita ke vlogs dekhne aur unko salaam karne ka bhi zikr kiya.
Nauman Ijaz Ne Mushkil Waqt Mein Adnan Shah Tipu Ki Madad Kaise Ki?
Adnan Shah Tipu ne khulasa kiya ke eik dafa wo itna zyada apne character mein doob gaye the ke unhe sambhalna mushkil ho gaya tha. Unhon ne bataya ke us waqt Nauman Ijaz ne unki madad ki aur unhe “reality” mein wapas laya. Tipu ne kaha, “Nauman bhai ko dekha, jo ro kar foran hans pade wahi pal meri zindagi badal gaya.”
Romaisa Khan Ne Entertainment Industry Mein Late Payments Ka Masla Samne Laya
TikTok creator se actress bani Romaisa Khan ne entertainment industry ka eik bara masla samne laya late payments. Unhone kaha ke bohot se actors, including unka khud ka, apni payments ke liye baar baar follow-up karte hain jo unke liye uncomfortable hai. Romaisa ne is masle ka solution dhoondhne ki zaroorat bhi highlight ki.
Anurag Kashyap Ne Film Promotions Ko Fazool Kharchi, Dikhawa Keh Diya
Anurag Kashyap ne film promotions ko “fazool kharchi aur dikhawa” qarar diya. Unka kehna hai ke ab filmon ki kamyabi kahani ya acting par nahi balke “kitna shor machaya gaya” is par depend karta hai. Anurag ne kaha ke South Indian industry ki tarah Bollywood mein bhi promotions par kharch ki had honi chahiye, taake chhoti filmein daba na di jayein.
Jhootay Ilzamaat Laganay Wali Khatoon Ke Khilaaf Qanooni Karwai
Anupama Parameswaran ne eik 20 saal ki larki ke khilaaf legal action shuru kar diya, jis ne unki fake aur edit ki gayi tasveerain social media par phela kar jhoote ilzaam lagaye the. Anupama ne kaha ke wo larki ki kam umri ki wajah se uska naam zahir nahi kar rahiin. Kerala Cyber Crime Police ne tafteesh shuru kar di hai.
Neelam Muneer Ki Shohar ke Saath Videos Par Fans Ka Pyar
Mashhoor actress Neelam Muneer ki apne shohar Muhammad Rashid ke saath Dubai ke Zam Zam perfume launch se viral videos ne social media par dhoom macha di! Neelam ne black silk suit pehna jabke Rashid Arabic kandoora mein nazar aaye. Fans ne couple ki chemistry ko pasand kiya aur dua di, “Mashallah, perfect jodi!”
Biwi Ke Liye Apni Samaji Zindagi Mehdood Kar Ke Qurbani Di: Ahsan Khan
Ahsan Khan ne khulasa kiya ke unhon ne apni biwi aur bachon ke liye apni social life qurbaan ki۔ Ahsan ne bataya ke unka khandaan Lahore chhor kar Karachi shift hua, jahan unki biwi ke na dost the na rishtedaar۔ Unhon ne kaha ke main ne bhi apni social activities kam kar di taake apni biwi ko support kar sakoon.