Shoaib Malik Ne PSL Ko Alvida Keh Diya
Pakistan cricket team ke former captain aur all-rounder Shoaib Malik ne Pakistan Super League (PSL) se retirement ka elan kar diya. 43 saal ke Malik ne 10 saal ke PSL career ke baad yeh faisla kiya aur kaha ke har lamha on-field aur off-field bohot mazedar raha. Unho ne mustaqbil mein cricket ki behtari ke liye apni khidmaat jaari rakhne ka elan kia.
Zainab Qayyum Ne Pakistan Ke Class Divide Par Apni Raye Ka Izhar Kiya
Zainab Qayyum ne Pakistan ke class divide par apna concern share kiya, Gul Plaza fire ke baad. Unhone Instagram par likha ke ek taraf elite log lavish weddings aur luxury mein masroof hain, aur doosri taraf working class girti economy mein struggle kar rahi hai aur zindagi ke liye fight kar rahi hai. Fans ne unki baat ko strongly support kiya.
Aashir Wajahat Ne Subuk, Zeba Aur Jami Ke Mustaqbil Ke Raaz Se Parda Utha Diya
Pakistan ke junior star Aashir Wajahat ne Good Morning Pakistan mein drama Kafeel ke apne character Subuk aur Zeba aur Jami ke future par baat ki. Unhon ne kaha ke drama real-life toxic households ko show karta hai. Subuk ke character mein suspense hai aur aaj ka episode bohot important hoga.
Sajal Aly Apni Family Ke Saath Birthday Celebrate Karti Hui
Sajal Aly ne 17 January ko apna birthday apni family ke saath celebrate kiya. Unke saath Saboor Aly, niece Serena aur waalid mojood thay. Actress ne do birthday celebrations ki cute tasveerein share ki aur pyara gratitude note bhi likha. Fans unke simple aur classy looks ko bohot pasand kar rahe hain.
Sirf Wohi Log Mashhoor Hue Jo Kisi Ke Paisa Kha Gaye: Fazeela Qazi
Senior actress Fazeela Qazi ne kaha hai ke showbiz mein zyada tar wahi log mashhoor hue jo doosron ke paisay kha gaye. Ahmed Ali Butt ke podcast mein unhon ne producers par fraud ke ilzamat lagaye, Fahad Mustafa ko pehchanne se inkar kiya aur Humayun Saeed par bhi narazgi ka izhar kiya.
Mein Beti Se Darti Hoon, Woh Mujhe Wapas Thappad Mar De Gi, Rani Mukherjee
Bollywood actress Rani Mukherjee ne apni 10 saal ki beti Adira Chopra ki parwarish aur uske funny aur bold nature par khul kar baat ki. Unhone kaha ke woh apni beti se darti hain, kyunki Adira kabhi kabhi unko thappad bhi maar sakti hai. Rani ne parenting mein dialogue aur understanding ko zaroori qarar diya.
Varun Dhawan Ka Udit Narayan Se Haath Milane Se Guraiz, Video Viral
Varun Dhawan ka Udit Narayan se haath milane se guraiz karte hue video social media par viral ho gaya. Yeh waqia film Border 2 ki promotion event ke doran hua. Video mein Varun ko Udit Narayan ko ignore karte dekha gaya, jis par users ne tanqeed bhi ki aur mukhtalif andazay lagaye.
Nora Fatehi Ka Morocco Ke Football Stadium Mein Apne Gaane Par Dance, Video Viral
Nora Fatehi ka Morocco ke football stadium mein apne hi gaane par dance karte hue video social media par viral ho gaya. Yeh video Africa Cup of Nations 2025 ke semi final se pehle record ki gayi. Nora ne kaha ke stadium mein apna gaana sunna unke liye bohot special aur zabardast feeling thi.
Govinda Ne Talaq Ki Afwahon Par Khamoshi Tor Di
Bollywood actor Govinda ne biwi Sunita Ahuja se talaq ki afwahon par khamoshi tor di. Unhon ne in afwahon ko sazish qarar dete hue kaha ke khamoshi unhein kamzor dikha rahi thi. Govinda ne wazeh kiya ke yeh baatain family ko mutasir karti hain aur haqeeqat se door hain.
AR Rahman Ki Betiyan Waalid Ki Himayat Mein Samne Aagayi
AR Rahman ki betiyan, Rahima aur Khadija, ne apne waalid ke statement par hone wali tanqeed ke jawab mein unka saath diya. Unhon ne kaha ke AR Rahman ko apne tajurbe ka izhar karne ka haq hai aur unke against honi wali badsoorti sirf nafrat par mabni hai. Post share ke saath unhon ne support ka izhar kiya.