Entertainment Ke Naam Par Mehmaanon Ki Tazleel Karne Wale Podcasters Par Sehar Khan Ki Shadeed Tanqeed
Pakistani actress Sehar Khan ne entertainment ke naam par mehmaanon, khaas tor par khawateen, ki tazleel karne wale podcasters par sakht tanqeed ki hai. Unho ne Instagram story mein likha ke aise shows sirf guests ko sharminda karne ke liye bante hain. Sehar ne mashwara diya ke aise podcasts mein hissa na lein aur apni zindagi sakoon se guzarein.
Samiya Hijab Ne Reveal Kiya Ke Rajab Unka Crush Hai
Samiya ne bataya ke Rajab actually unka crush hai. Samiya ne Rajab ki tareef karte hue kaha ke woh “bohot nice guy hai” aur unhon ne kabhi uske baare mein koi bura nahi suna. Samiya ne us larki ko bhi jawab de diya jo Rajab par criticism karahi thi, keh kar ke woh “bekaar si larki” hai jisko koi seriously na le.
Bollywood Mein Kaam Ki Offer Thukra Di, Ayesha Azhar Ka Inkishaaf
TikTok star Ayesha Azhar, jo “Mera Dil Yeh Pukare Aaja” par dance video se mashhoor hui, unhone bataya ke unhein kai Bollywood stars ne Indian film industry mein kaam offer kiya, magar unhon ne inkaar kiya. Ayesha ne apni education aur modeling career ke faisle par bhi roshni dali, aur ab wo full focus modeling aur social media par kar rahi hain.
Property Mein Sarmaya Kaari, 30 Crore Ki Jaidaad Khareed Li: Saif Ali Khan
Bollywood ke senior actor Saif Ali Khan ne Mumbai ke Andheri mein 2 office spaces khareede hain, jinki qeemat 30.75 crore rupaye hai. Dono offices ka total area 5,681 sq. ft. hai aur ye commercial complex mein hain. Investment ka maksad rent par dena hai, jisse unke real estate portfolio mein izafa hoga.
Kajol Ne Apna Office Lease Par De Diya, 9 Saal Mein Kitni Aamdani Hogi?
Bollywood ki superstar actress Kajol ne Mumbai ke Goregaon mein apna office space 9 saal ke liye lease par de diya hai. Mahana rent 6.9 lakh rupaye se shuru hoga aur 3 saal baad 7.9 lakh, aakhri 3 saal mein 9.12 lakh rupaye hoga, jisse 2034 tak total income taqreeban 8.6 crore rupaye pohanch jayegi. Fans ne unki ye samjdari or business mind dehk kay unko appreciate kia.
Ayesha Azhar Ka Parhai Se Related Statement Viral ‘Agay Parhne Ka Dimagh Nahi Hai’
Ayesha Azhar ka ek bayan social media par viral ho raha hai. Influencer ne khul kar kaha ke unka aage padhna ka koi iraada nahi hai, kyunke unke mutabiq “dimagh hi nahi hai” higher studies ke liye. Ayesha ke is candid confession par log mix reactions de rahe hain, kuch unki honesty ki tareef, kuch tanqeed kar rahe hain.
Ahsan Khan Ne Zehni Sehat Ke Masail Se Inkaar Karne Walon Ko Aaray Hathon Le Liya
Pakistani actor Ahsan Khan ne mental health ko nazar andaza karne walon ki sakht tanqeed ki. Unho ne kaha ke log aksar kehte hain ke yeh bimari nahi, lekin jaise diabetes ya blood pressure hota hai, waise hi mental health bhi serious hai. Ahsan ne medical aur roohani madad dono ki ahmiyat samjhayi aur Quran ke hawale diye.
Mahira Khan Ko Dekh Kar Nojawan Ro Pada, Video Viral
Pakistan ki super star Mahira Khan ne Faisalabad mein apne fans se mulaqaat ki, jahan ek nojawan fan unko dekh kar ro pada. Mahira ne fan ko tasalli di aur stage par bula kar sab ke samne hosla barhaya. Is pyaare lamhe ki video social media par viral ho gayi, jisme log unki emotional mulaqaat dekh kar mutasir hue.
Main 250 Saal Tak Zinda Rahunga: Shah Rukh Khan Ka Apni Shohrat Par Dilchasp Tabsirah
Bollywood King Shah Rukh Khan ne apni shohrat par dilchasp comment kiya hai. Ek interview ki video social media par viral hui jahan unho ne kaha ke agar dil se kuch maanga jaye to poori kainaat madad karti hai. Shah Rukh ne mazeed kaha ke agar pucha jaye to wo 200 ya 250 saal tak zinda rahenge.
Jazbati Dhoka Zyada Takleef Deh, Jismani Bewafai Bhi Naqabil E Qabool Hai: Sunita Ahuja
Bollywood actress Govinda ki wife, Sunita Ahuja ne emotional aur physical cheating par apni raaye ka izhar kiya. Unho ne kaha ke sab se zyada takleef emotional dhoka deta hai, lekin physical cheating bhi qabool nahi. Sunita ne apni 38 saal ki shadi aur filmy life ke challenges ka zikar karte hue youth aur maturity mein fark ko highlight kiya.