Fairy Tale Famed Amna Youzasaif Ki Baat Pakki Pictures Viral
Amna Youzasaif ne apni baat pakki ki tasveerain share karke fans ko surprise kar diya۔ Actress ne bataya ke unhe apni zindagi ka pyaar mil gaya hai aur ghar walon ke beech unka yeh khaas din manaaya gaya۔ Amna ne pink outfit pehna، groom ka chehra reveal nahi kiya magar unki khushi aur glow ne social media par dhoom macha di.
Rabeeca Khan Ki Gaari Ko Aakhir Kya Ho Gaya? Barat Ki Raat Ka Herat Angaiz Waqia Viral
Rabeeca Khan ki barat ki raat ek afsosnaak waqia samne aaya jab venue ki parking mein aik gaari achanak aag pakarne se jal kar khak ho gayi۔ Shadi ke lamhe film karne walay mehmaan is manzar se heran reh gaye۔ Video viral hote hi social media par trolling aur zyada tezi se barh gayi.
Sahar Khan Ki Wedding Announcement Ulti Padh Gayi, Awam Ki Shadeed Tanqeed
Sahar Khan ka Instagram “wedding announcement” post viral hua, magar fans ne is par shadeed tanqeed ki. Image aur caption ne logon ko ye sochne par majboor kiya ke shayad woh shadi kar rahi hain. Baad mein Sahar ne clarify kiya ke ye unki friend ka bara din tha, magar users ne isay attention-seeking aur sasti shoharat ka tareeqa qarar diya.
Har Koi Kehta Hai Khawateen Ko Zyada Muawza Milna Chahiye: Madhuri Dixit
Madhuri Dixit ne gender pay gap ko sirf Bollywood ka nahi balke har field ka masla qarar diya. Unhon ne kaha ke auratein aaj bhi apni mehnat ka poora haq hasil karne ke liye struggle karti hain. Madhuri ka kehna hai ke baat zyada paisa lene ki nahi, balke ek munsefana nizaam ki hai jahan aurat ki mehnat ka sahi ehtram ho.
Main Nahi Chahti Meri Granddaughter Navya Shadi Kare: Jaya Bachchan
Jaya Bachchan ne shadi ko “outdated concept” qarar dete hue kaha ke woh nahi chahtin ke unki granddaughter Navya Naveli Nanda, jo 28 ki hone wali hain, abhi shadi kare. 77-saal ki Jaya ka kehna hai ke aaj ke daur mein marriage ka pressure bilkul zaroori nahi. Social media par unke is bold stance par garam behas jari hai.
Hira Mani Ki Bachpan Ki Video Ne Fans Ke Dil Jeet Liye
Hira Mani ki bachpan ki video viral. 1992 ki is nostalgic clip mein chhoti Hira Bollywood gaane “Zindagi Ek Safar Hai Suhana” par pyare andaaz mein dance karti nazar aati hain. Fans ne unki bachpan ki confidence aur natural charm ko saraha, keh rahe hain ke woh tab bhi star thi aur aaj bhi screen par shine karti hain.
Nida Yasir Food Delivery Riders Se Mutaliq Bayan Par Tanqeed Ki Zadd Mein
Famous morning show host Nida Yasir ne food delivery riders ke bare mein bayan diya ke kabhi wo baki paisa saath nahi lete aur extra charge kar lete hain. Unka kehna tha ke log exact payment karein aur wo tip dene ke haq mein nahi hain. Social media par users ne unka bayan criticize karte hue riders ki mehnat ko highlight kiya.
Khoobsurat Jism Wali Aurat Ko Dekhna Mard Ka Haq Hai. Mard Ko Khoobsurti Chahiye: Nabiha Ali Khan
Nabiha Ali Khan ke ek recent bayan ne social media par tehelka macha diya hai. Unka kehna hai ke mard chahte hain ke unki biwiyan hamesha pretty aur maintained rahen, jabke shadi ke baad auratein wazan barha leti hain aur “mardon ke paas dekhne ko kuch nahi rehta.” Is bayan par logon ne shadeed tanqeed aur mixed reactions ka izhar kiya.
Pakistani Content Ko Netflix Par Lana Zaroori Hai, Ye Industry Ko Boost Dega: Farhan Saeed
Farhan Saeed ne kaha ke Pakistani content ko Netflix tak le jaana poori industry ka maqsad hona chahiye. Podcast mein unka kehna tha ke quality storytelling siyasat se upar hoti hai aur Indian audience ab bhi Pakistani dramas mein dilchaspi rakhti hai. Unhon ne zor diya ke global platforms par aana industry ko international reach aur badi growth de sakta hai.
Raat Gayi Baat Gayi Wala Jumla Mazaaq Tha, Sanjeeda Na Liya Jaye: Twinkle Khanna
Twinkle Khanna ne clarify kiya ke unka “Raat Gayi Baat Gayi” wala bayan sirf mazak tha. Bollywood ki former actress aur Akshay Kumar ki wife ko apne talk show Too Much with Kajol & Twinkle mein be-wafai par remarks dene par tanqeed ka samna tha. Unka kehna hai ke ye bayan kisi serious discussion ke liye nahi, bas halka-phulka mazak tha.