Shaan-E-Ramzan Ki Star Tashu Ki Nayi Reels Ne Behas Chher Di
Viral child star Zartasha Kashif (Tashu) jo “Shaan-e-Ramzan” se mashhoor huien, aaj kal social media par behas ka markaz bani hui hain. Jahan log unki masomiyat aur rone wali viral video par pyar jata rahe hain, wahin kuch logon ne tanqeed karte hue kaha ke wo apni umar se barri lagti hain aur sirf parents ke sikhaye hue jumle bolti hain.
Bridal Client Ne Natasha Lakhani Aur Unke Salon Ki Haqeeqat Khol Di
Natasha Lakhani par unki aik bridal client, Fatima Afzal, ne unprofessional hone ka ilzaam lagaya hai. 80,000 advance dene ke bawajood client ka kehna hai ke Natasha late aaein, purana makeup use kiya, aur sirf 30 minutes mein kharab base bana di. Client ne mazeed bataya ke Natasha ne unke messages ka jawab nahi diya aur Instagram se negative comments bhi delete kar diye.
Shaan Shahid Ne Apne Arrogant Image Par Khamoshi Torr Di
Pakistan ke superstar Shaan Shahid apni nayi film “Bullah” ke sath is Eid-ul-Fitr par wapsi kar rahe hain. Unhon ne bataya ke unhon ne apna makhsoos style Sultan Rahi ki filmein dekh kar banaya. Apne “maghroor” hone ke bare mein unhon ne saaf kaha ke wo sirf apne doston mein rehte hain aur dikhawa nahi karte, maghroori wali baatein bilkul jhoot hain.
Nadia Hussain Ki Beti Ki Takmeel E Quran Ki Video Par Social Media Behas
Model aur actress Nadia Hussain ki beti Sasha ne Quran Pak mukammal kar liya hai, jiski khushi mein unhon ne aik video share ki. Jahan bohat se fans mubarakbaad de rahe hain, wahin kuch log tanqeed bhi kar rahe hain ke Sasha ne itni barri umar mein Quran khatam kiya. Kuch logon ne “Khatam” ki jagah “Takmeel-e-Quran” likhne ka mashwara bhi diya.
Ramzan Show Mein Family Planning Par Hone Wali Guftagu Ne Nayi Behas Chher Di
Ramzan show mein “Family Planning” par honay wali guftagu ne social media par ikhtilaf paida kar diye. Rabia Anum ne Mufti se birth control ke mutaliq sawal kiya, jis par Mufti Sahab ne wazahat ki ke ghurbat ke darr se bache rokna jaiz nahi, albatta medical masail ki wajah se ijazat di ja sakti hai.
Jeeto Pakistan Mein, Kubra Khan Ka Apni Saas Ke Liye Khoobsurat Andaz Fans Ko Pasand Aa Gaya
Kubra Khan ne “Jeeto Pakistan” ke set par apni saas ke liye aik nihayat khoobsurat lehja apnaya. Gohar Rasheed ki walida Kubra Khan ko support karne show par aaein, jahan Kubra ne unhein apni “luck” qarar diya. Fahad Mustafa aur Adnan Siddiqui ne bhi unka bharpoor ehtram kiya, jis par fans Kubra ki narm-mizaji ki tareefein kar rahe hain.
Emaan Fatima Ne Bete Kivan Sultan Ke 6 Mahine Hone Par Jazbati Video Share Kar Di
Emaan ne apne bete Kivan Sultan ki 6-month birthday par aik pur-asar video share ki. Apni post mein unhon ne apni mushkil pregnancy aur akelepan ke safar ka zikr karte hue bete ko apni “taqat” aur “mojza” qarar diya. Fans Emaan ki himmat ki tareef kar rahe hain aur unke bete ki sehat aur lambi zindagi ke liye duain de rahe hain.
Kashif Khan Ka Betiyon Ki Shadi Par Kam Kharch Karne Ka Mashwara!
Rabeeca Khan ke waalid aur maroof actor Kashif Khan ne walidain ko naseehat ki hai ke shadi par paisa soch samajh kar kharch karein. Unhone kaha ke mehnge joron ke bajaye kiraye ke kapre aur artificial jewelry behtar hai. Unka mazeed kehna tha ke ‘Shendi’ jaise events se waqt aur paisa dono bachtay hain aur fazool tahaif dene se guraiz karna chahiye.
Alizeh Shah Ka Qasam Kha Kar Pl@stic S*urgery Se Inkaar
Alizeh Shah ne apni badli hui look par plastic surgery ki afwahon ko jhoot qarar de diya. Unhone apni Maa ki qasam khate hue kaha ke unhone koi surgery nahi karwayi, balkay depression ki wajah se do mahine mein 20 kilo wazan kam kiya hai. Unhone un pages ko bhi khari khari sunayi jo views ke liye un par ilzaam laga rahe hain
Islamic Scholars Ka Javeria Saud Ki Ramadan Transmission Par Shadeed Tanqeed
Javeria Saud ke show mein “Wazifa calls” ke doran logon ka mazaq urane par Islamic scholars ne shadeed gussay ka izhaar kiya hai. Nadia Khan ke show mein ek scholar ne kaha ke “kharish” jaise masail par live show mein hansna aur bad-tameezi karna ghalat hai. Unhone tanqeed ki ke ratings ke liye Ramadan transmission ka taqaddus pamal na kiya jaye.