Muneeb Butt Ne Aurton Ke Sabr Ki Tareef Ki
Muneeb ne kaha kay Allah ne aurton mein naturally bohot sabr diya hai. 9 mahine bache ko apne pait mein rakhna, phir raat ko har 1.5 ghante pe uth kar bacha ko sulana aur har cheez ka khayal rakhna Ye sab karne ke liye bohot sabr chahiye. Unki mohabbat aur dedication waqai respect ke laayak hai.
Khaqan Shahnawaz Aur Sabeena Syed Ki Mangni Ho Gayi
Pakistani TV actors Sabeena Syed aur Khaqan Shahnawaz ne Instagram par ek khoobsurat post ke zariye apni engagement announce kar di. Dono ne traditional Punjabi outfits mein open fields mein pictures share ki. Fans aur industry ke doston ne couple ko mubarakbaad aur best wishes dena shuru kar di hain.
Laiba Khan Apne Viral Statement Ke Baad Saba Qamar Ka Paighaam Reveal Karti Hui
Famous actress Laiba Khan ne Hasna Mana Hai mein apne viral statement par wazahat karte hue bataya ke unka bayan edit kiya gaya tha. Unhon ne khulasa kiya ke Saba Qamar ne controversy ke baad unhein support, pyar aur duaen bhejein. Laiba ne kaha ke logon ko poora interview dekhna chahiye.
Jamal Shah Bollywood Ke Downfall Par Baat Karte Hue
Senior Pakistani artist Jamal Shah ne Nadia Khan ke morning show mein Bollywood ke downfall par khul kar baat ki. Unka kehna tha ke Bollywood ab politics se heavily influenced ho chuka hai aur creativity, meaningful dialogues aur depth khatam hoti ja rahi hai. Jamal Shah ke mutabiq South Indian films, Bollywood se kaafi behtar ban rahi hain.
Ducky Bhai Mushkil Waqt Mein Family Aur Biwi Ke Support Par Baat Karte Hue
Famous YouTuber Ducky Bhai ne apne latest vlog mein apni arrest aur jail ke mushkil dinon ka zikar kiya. Unhon ne apni family, khas taur par maa, waalid aur wife Aroob ke be-misaal support ko saraha. Ducky Bhai ne clear kiya ke woh Pakistan chhor kar kahin nahi ja rahe aur case legally fight karenge.
Pyari Maryam Ke Waalid Pehli Baar Media Say Guftagu Karte Hue
Famous digital creator Pyari Maryam ke waalid ne pehli martaba media se baat karte hue Click News ko interview diya. Unhon ne Maryam ki zindagi, mehnat, confidence aur family ke liye struggles ka zikar kiya. Unka kehna tha ke Maryam ek strong aur khush mizaj larki thi, aur unki wafat Allah ke faislay se hui.
Rajab Butt Mashhoor TikToker Say Mohabbat Ka Izhar Karte Hue
YouTuber aur TikToker Rajab Butt ek nayi controversy mein phans gaye hain jab unhon ne TikTok live par Dubai mein rehne wali ek famous Indian TikToker se openly apni mohabbat ka izhar kiya. Flirty behavior par social media par sakht reaction aa raha hai, khas taur par is liye ke Rajab married aur father bhi hain.
Sistrology Views Ke Liye Tasteless Prank Karne Par Sakht Tanqeed Ki Zad Mein
YouTube family vloggers Sistrology apni latest video ki wajah se sakht tanqeed ki zad mein aa gaye hain. Content mein mother ke fake accident ka prank dikhaya gaya jo views ke liye banaya gaya. Social media users ne is prank ko ghair zimmedarana qarar diya aur family ko call out kiya.
Mahira Khan Ne Neelofar Ka Crying Clip Ko Address Kiya
Mahira khan ne recently Neelofar ka viral crying clip address kiya. Film mein unka role ek visually challenged ladki ka hai aur clip mein Neelofar emotional ho kar khud ko hit kar rahi hai. Logon ne Mahira ki acting ko criticize kiya, lekin Mahira ne kaha ke unko pata hai ke jo bhi wo karti hain, wo viral ho jata hai.
Shaan Shahid Aur Saleem Sheikh 30 Saal Baad Saath Aaye Film ‘Bullah’ Ke Liye
Pakistani cinema ke icons Shaan Shahid aur Saleem Sheikh 30 saal baad film Bullah ke liye ek saath aa gaye. Ye Punjabi action movie Sufi poet Bulleh Shah ke modern rebirth par based hai. Shaan lead role mein hain aur Sara Loren bhi saath hain. Fans excited hain. Bullah Eid-ul-Adha 2026 par release hogi.