Emmad Irfani Ne Jalan Aur Kabhi Main Kabhi Tum Ke Darmiyan Muqabla Kiya
Actor Emmad Irfani ne Jalan aur Kabhi Main Kabhi Tum ki kamyabi ka muqabla karte hue kaha ke asli public love unhein Kabhi Main Kabhi Tum ke baad mila. Unka kehna tha ke Jalan hit hone ke bawajood audience se woh acceptance hasil nahi kar saki jo Kabhi Main Kabhi Tum ko mili.
Hania Aamir Ne Asim Azhar Ke Qawali Night Event Mein Shirkat Ki
Hania Aamir ne Asim Azhar ke Qawwali night event mein shirkat ki, jahan dono ko phir se saath dekh kar fans excited hain. Asim ne white kurta-shalwar aur black shawl pehna, jabke Hania black aur gold saree mein khubsurat nazar aayi. Fans ne unke solo pictures aur reels dekh kar dobara unki rumored reunion ki baatein shuru kar di hain.
Priya Kapoor Ki Supreme Court Mein Darkhwast, Karishma–Sanjay Talaq Moahide Ki Tasdeeq Shuda Naqool Talab
Priya Kapoor ne Supreme Court mein darkhwast di hai ke Karishma Kapoor aur Sanjay Kapoor ki 2016 ki talaq ke moahide ki tasdeeq shuda naqool samne lai jayein. Moahide mein bachon ki hifazat aur dekh bhaal ke sharaait bhi shamil hain. Sanjay ki achanak wafat ke baad ab virasat aur bachon ki dekh bhaal ka tanaza court mein chal raha hai.
Manager Ne Yaad Kiya Kaise ‘India Ki Beyonce’ Priyanka Chopra Ne Hollywood Mein Assistants Ke Assistants Ko Khud Introduce Kiya
Priyanka Chopra ki manager Anjula Acharia ne Hollywood ke shuruati din yaad karte hue bataya ke India ki super star hone ke bawajood Priyanka ko wahan assistants ke assistants ko khud introduce karna padta tha. Anjula ne kaha ke yeh dekh kar unka dil toot jata tha, lekin Priyanka ne hamesha bina ego ke, full humility ke saath struggle face kiya.
Maya Ali Ne Apne Roohani Safar Ki Dil Ko Choo Lene Wali Tasveerain Share Kar Dein
Maya Ali ne apne roohani safar ki dil ko chhoo lene wali tasveerain social media par share kar di hain. Actress ne naya saal Saudi Arab mein family ke saath Umrah ada karke shuru kiya. Instagram par unhon ne likha ke Allah ke ghar ka bulawa naseeb hona bohat badi rehmat hai aur is mauqe par woh dil se shukar guzar hain.
Shahida Mini Ko Pehla Gaana Gaane Par Kitni Raqam Mili
Shahida Mini ne khulasa kiya ke unhein apna pehla gaana gaane par sirf 5 rupay inaam mila tha. Actress ne bataya ke yeh gaana unhon ne PTV Home par stool par kharay ho kar gaya. Unhon ne Master Sadiq sahab ko yaad karte hue kaha ke woh bohat azeem aur lajawab fankar thay.
Fiza Ali Ke Ex Shohar Ki Shadi Par Beti Shirkat Ke Liye Tayyar
Fiza Ali ne apne ex-husband Fawad Farooq ki dusri shadi par khushi ka izhar kiya. Unki beti Faral bhi shadi mein shirkat ke liye tayyar nazar aayi. Instagram par share ki gayi video mein Faral baba ke liye ready hoti dikhi. Fiza Ali ne likha ke rishte badal sakte hain, lekin izzat, mohabbat aur parenting ki zimmedari kabhi khatam nahi hoti.
Kisi Ka Ghar Toot Jaye To Ye Khushi Ki Baat Nahi: Javed Sheikh
Javed Sheikh ne Bushra Ansari ke talaaq par tanz par jawab diya. Ek event ke doran Bushra ne Javed Sheikh ke ghar ke tootne ka zikar kiya, jis par unhone kaha ke kisi ka ghar tootna khushi ki baat nahi. Social media par video viral hone ke baad fans ne Javed Sheikh ka support kiya aur Bushra ke tanz par naraz hoye.
Global Korean Band ‘BTS’ World Tour Ka Aaghaz Kab Kare Ge? Tareekh Samne Aa Gai
Global Korean band BTS ne apne world tour ka official elan kar diya hai. Tour ka aaghaz South Korea ke shehar Goyang se hoga aur 12 mahine mein 34 regions mein performances hongi. Yeh 2019 ke baad BTS ka pehla aur ab tak ka sab se bara world tour hoga, jis mein Asia, Europe aur America shamil hain.
Varun Dhawan Ne Smile Ke Memes Par Mazaak Uraaya
Varun Dhawan ne apni viral smile meme par khud reaction diya. Instagram live ke doran, Karwar Naval Base jaate hue Border 2 promotions mein, usne Vishal Mishra ke saath smile copy kar ke mazaak banaya. Varun ne kaha woh khush hai ke pura Hindustan uske saath smile kar raha hai aur trolling ko positive liya aur fans ne enjoy kiya.