Pakistan Ke Khilaaf Nare Par Sunny Deol Ko Yasir Hussain Ka Karara Jawab
Pakistani actor, director aur producer Yasir Hussain ne Bollywood star Sunny Deol ko Pakistan ke khilaaf nara lagane par tanqeed ka nishana banaya. Sunny Deol ki Border 2 film ki promo event mein nara lagate waqt unki awaaz kaanp rahi thi, jis ki video viral hui. Yasir Hussain ne Instagram par share karte hue tanziya kaha, “Uncle ki to awaaz nahi nikal rahi.”
Pakistan Khilaf Bharti Film Par Kai Mulkon Ne Pabandi Lagadi
Pakistan khilaf Bollywood film Border 2 par Gulf countries ne release par pabandi laga di hai. Film 23 January 2026 ko theaters mein aani thi, lekin Bahrain, Kuwait, Oman, Qatar, Saudi Arabia aur UAE mein show nahi hoga. Pehle bhi film Dharendra ko Gulf mein rok diya gaya tha, jis se 10 million dollar ka nuksan hua tha.
Adakari Shuru Karne Par Walida Ne Kalai Kaat Lene Ki Dhamki Di Thi: Sayani Gupta
Bollywood actress Sayani Gupta ne inkishaaf kiya hai ke acting shuru karne par unki walida ne kalai kaat lene ki dhamki di thi. Unki maa acting ko ghalat profession samajhti theen aur chahti theen ke Sayani apni achi corporate job na chhoren. Actress ke mutabiq is wajah se maa beti ke darmiyan lambi khamoshi bhi rahi.
Indian Choreographer Remo D’Souza Se Bhatta Khori Case Mein Naamzad Gangster Giraftar
Bollywood choreographer aur director Remo D’Souza se 2018 ke bhatta khori case mein naamzad gangster Ravi Pujari ko giraftar kar liya gaya hai. Ravi Pujari pichle 5 saal se jail mein tha. Mumbai Police ne usay 27 January tak custody mein bhej diya. Case mein film Amar Must Die ke paison aur rights ka tanaza bhi shamil hai.
Taylor Swift Ne History Bana Di, Songwriters Hall Of Fame Mein Sab Se Kam Umar Khatoon Ke Tor Par Shamil
Taylor Swift ne music history mein naya record bana diya hai aur Songwriters Hall of Fame mein shamil hone wali sab se kam umar khatoon ban gayi hain. 36 saal ki umar mein unhein 2026 class mein induct kiya ja raha hai. Official ceremony 11 June 2026 ko New York mein hogi, jab ke unka career 2006 se is milestone tak pohancha.
Main Mushkil Sawalat Se Bhaagne Wala Nahi, Shamoon Abbasi Ne Beti Se Ikhtilafat Par Khamoshi Tor Di
Shamoon Abbasi ne beti Anzela Abbasi se ikhtilafat par khamoshi tor di. Ahmed Ali Butt ke podcast mein unhon ne kaha ke unhein na-haq villain banaya gaya. Shamoon Abbasi ne wazeh kiya ke beti se rabta kabhi mukammal khatam nahi hua aur apna difa karna unka haq hai. Unhon ne kaha ke wo mushkil sawalat se bhaagne wale nahi.
Nida Yasir Chhote Beta Balaj Yasir Ki Kin Aadat Se Pareshan Hain
Actress aur host Nida Yasir ne apne chhote beta Balaj Yasir ki do aadaton par fikr ka izhar kiya: 11 saal ke Balaj ki nakhun chabane ki aadat aur paisay chhupakar jama karne ki aadat. Nida ne videos aur nayi strategies ke zariye uski nahkun chabana ki aadat kam ki, aur ab Balaj apni bachat kay liye baqaida jaib kharch use karta hai.
Agha Ali Doosri Shadi Kab Kar Rahe Hain?
Pakistani actor Agha Ali ne apni second shadi ke plans ka zikar kiya hai. Unka kehna hai ke filhal wo shadi ke bare mein nahi soch rahe, lekin jab Allah ko manzoor hoga to wo zaroor dobara shadi karenge. Agha Ali ne pehli shadi 2020 mein Hina Altaf se ki thi aur 2024 mein talaq ki tasdeeq ki.
Imran Abbas Ki Apni Walida Ke Liye Jazbati Shayari
Mashhoor actor Imran Abbas Islamabad mein Jashn-e-Jaun Elia event ke doran apni walida ke liye likhi hui poetry par jazbati ho gaye. Unhon ne apni maa ki wafat ke baad likhi nazm sunai jo sun kar log bhi emotional ho gaye. Imran Abbas ne fans se apne walidain aur behn ke liye duaon ki darkhwast bhi ki.
Elite Weddings Mein Indian Designers Ke Outfits Par Khalid Anam Ka Ahem Sawal
Senior actor Khalid Anam ne elite weddings mein Indian designers ke outfits par ahem sawal utha diya. Unhon ne kaha ke jab Pakistan aur India ke darmiyan trade restrictions hain to phir yeh outfits kaise khareeday gaye? Khalid Anam ne poocha ke kya trade officially open ho chuki hai ya yeh sahulat sirf kuch khaas logon ke liye hai.