Imran Khan Ke Betay Visa Ke Intezar Mein
Aleema Khanum ne kaha ke Suleiman aur Kasim ne Pakistan ka visa London se apply kiya hai, jo ab Interior Ministry se approve hona baqi hai. Tallal Chaudhry ne poocha agar NICOP hai to visa kyun? Dono betay British nationals hain, is liye Pakistan mein siyasi activity ki ijazat nahi.
KP Mein Polio Phir Se Samne, Bachay Khatre Mein
KP ke Tank district mein naya polio case, 2025 ke case total 18 ho gaye, Union Council Mullazai ka 10-mahina ka bacha polio ka shikar. KP ke southern ilaqa ab bhi high risk hain. Vaccine refusal aur access issues ab bhi challenge hain. Har campaign mein bachon ko vaccine dena zaroori hai. Hukumat ne agle months mein 3 aur campaigns ka plan banaya hai.
Putin Ne Aman Ki Baat Ki, Trump Ne Dhamki Dedi
Putin ne kaha Russia ko jang mein faida hai lekin aman ki baat cheet jari hai. Trump ne dhamki di ke agar 8 August tak jang na ruki to Russia aur uske energy buyers par sanctions lagenge. Kyiv par Russian hamlay mein 31 log halak ho gaye. Zelensky ne Putin se direct mulaqat ki appeal ki.
DHA Mein Firing, Senior Lawyer Khawaja Shamsul Islam Qatal, Beta Zakhmi
Jumme ko Khawaja Shamsul Islam ne tajir Muzammil Karim Paracha ke janaze mein shirkat ki. Masjid se nikalte waqt DHA Phase VI mein eik shakhs ne unpar firing ki. Wakeel moqa par halak ho gaye, beta zakhmi. Police keh rahi hai ke ye target killing ka case ho sakta hai, tehqiqaat jari hain.
Islamabad Mein Heavy Vehicles Ki Entry Mukammal Band
CTO Capt (R) Zeeshan Haider ne Islamabad mein heavy vehicles, overloaded trucks aur loader rickshaws par complete ban laga diya. Traffic rush aur accidents rokne ke liye strict action ka hukam. Har chowk par extra traffic staff lagaya gaya hai, drone surveillance bhi barha di gayi. Rule torne walon par fine, gaari impound aur legal action hoga.
KP Mein Taleemi Emergency, ILMpact Se Tabdeeli Aayegi
KP hukumat ne British Council aur UK FCDO ke saath mil kar ILMpact programme launch kiya hai, jiska maqsad 8 districts mein 80,000 taleem se mehroom bachon ko school mein enroll krwana hai. CM Gandapur ne education emergency ka elan kiya. Har bache ko desk aur chair milegi. Girls, ghareeb aur special needs bachay main focus hain.
Sidra Honour Killing Case, 7 Mulzim Remand Par, Saboot Baramad
Sidra honour killing case mein police ne Muzaffarabad team bheji shadi ki tasdeeq ke liye. 7 mulzim remand par, 2 jail mein. DVR footage decode hone lagi, experts ki madad li gayi. Laash le jane wala loader rickshaw aur qabar khodne ke auzaar mil gaye. Qatal mein istemal hua eik ahem saboot abhi tak nahi mila.
Aadmi 2 Bachon Ke Saath Samandar Mein Kood Gaya
Sea-View, Do Darya par eik aadmi ne 5 aur 6 saal ke 2 bachon ke saath samandar mein chalang laga di. Pehle eik bacha phenka, phir doosre ke saath khud kooda. Logon ne rescue ki koshish ki, lekin teeno ghaib ho gaye. Police aur Edhi ne talaash shuru ki, operation andheray ke baad roka gaya, aaj bh jumme ke din talaash ka silsila jari hy
Sindh Ki Agriculture Worker Khawateen Ka Haq, Tahaffuz Aur Insaaf Demand
SCF aur Common-wealth Foundation ki Women’s Assembly mein women agricultural workers ne low wages, labour rights ki kami aur climate change ke asraat par awaz uthai. Javed Hussain ne Sindh Women Agricultural Workers Act 2019 ko turant enforce karne ke demand ki. Nadeem Shah ne agriculture ko industry declare karne ki appeal ki taake aurton ko legal rights mil saken.
Cash Van Robbery, Rs9.7M Chori, Guards Ko Goli Lag Gayi
Karachi, Korangi mein bank ke bahar cash van se Rs9.7 million loot liye gaye. Firing mein 2 guards zakhmi hua, robbers Alto garri lekar farar hogaye. Police ne investigation shuru kar di hai. Bilal Colony mein Maroof Mart ki Rs3.3 million robbery solve, 3 mulzim giraftar, eik security guard bhi shamil tha.