Pakistan Army Ne Z-10ME Attack Helicopters Force Mein Shamil Kar Liye!
COAS Field Marshal Asim Munir ne Muzaffargarh mein induction ceremony aur firepower demo dekha. China ke ye modern helicopters har mausam mein, din raat precision strikes ki salahiyat rakhte hain. Inmein advanced radar aur electronic warfare systems laga hua hain. COAS ne troops ka hosla aur professionalism saraha, aur hybrid threats ke khilaf national unity par zor diya
Imran Khan Ka Baat Cheet Se Inkaar PTI Ke Liye Nuksan Ka Sabab
May 9 cases mein kai senior PTI leaders ko 10 saal ki saza mil chuki hai, aur mazeed faislay aanay wale hain. Party ke andar se hukoomat se baat cheet ka mashwara diya gaya, lekin Imran Khan ne inkaar kar diya. Is faislay se PTI par arrests, disqualification aur siyasi tanazul ka khatra barh gaya hai.
UAE Ne Pakistani Visa Process Tez Karne Ka Elan Kar Diya
UAE ne Pakistani citizens ke visas jaldi issue karne ka wada kiya. Mohsin Naqvi ne UAE ke Interior Minister Sheikh Saif se mulaqaat ki. Mulaqaat mein visa policy, security, smuggling control aur AI-based policing par taawun barhane par baat hui. Naqvi ne modern surveillance systems ka daura kiya aur Pakistan mein lana ki khwahish zahir ki.
Iranian President Pezeshkian Ka 2 Roza Pakistan Ka Daura
Iranian President Dr. Masoud Pezeshkian 2 August ko 2 din ke daure par Pakistan aa rahe hain, PM Shehbaz Sharif ki dawat par. Unki mulaqaat President Zardari aur PM Shehbaz se hogi. Saath delegation-level baatein bhi hongi. Pezeshkian ke sath Iranian ministers aur afsaroon ka eik bara group hoga. FO ne kaha daura dono mulkon ke taaluqat mazeed behtar karega.
UAE Ambassador Ki Murree Mein Nawaz Sharif, Maryam Se Mulaqaat
UAE ke ambassador Hamad Al-Zaabi ne Murree mein CM Maryam Nawaz aur Nawaz Sharif se mulaqaat ki. Mulaqaat mein taleem, science, economy aur environment mein taawun barhane par baat hui. Nawaz Sharif ne Pakistan-UAE ke gehre rishte ko ahem qarar diya. Maryam Nawaz ne visa-free entry aur trade volume barhane ki zarurat par zor diya.
Pakistan Ke Taraf Se Iran-America ke Tension Kam Karne Ka Faisla
Pakistan ne Iran-America ke darmiyan tension kam karne ka faisla kiya hai. Iranian President Pezeshkian 2-3 August ko Pakistan ka pehla daura kar rahe hain. Wo Shehbaz Sharif aur Zardari se mulaqat karein ge. US ne bhi Pakistan ke kirdar ko saraha hai. FO ne BLA aur TTP ko India ke proxies aur Afghanistan mein panah-guzin qarar diya.
Bahawalpur Mein E-Challan System Ka Official Aaghaz
Punjab government ne Bahawalpur mein Safe City Project ke tehat e-challan system launch kar diya. AI-powered CCTV cameras chowks, entry/exit points aur main roads par lagaye gaye hain. Traffic rules torne par digital challan SMS ya online bheja jaega. Yeh system traffic control, transparency aur law enforcement ko behtar banane ke liye banaya gaya hai.
Pakistan Mein 5.4 Magnitude Ka Zalzala Mehsoos
Pakistan ke kai shehron mein raat 2 baja ke baad 5.4 magnitude ka zalzala mehsoos kiya gaya. Zalzale ka markazi nukta Hindukush ka ilaqa, Afghanistan tha. Gehrai 102–124 kilometre thi. Islamabad, Lahore, Peshawar, Swat, Murree, Mardan aur Gilgit-Baltistan mein jhatkay mehsoos hua. India aur Afghanistan mein bhi tremors report hua. Kisi nuqsan ki koi report nahi.
Pakistan, Afghanistan, UAE Ki T20 Tri-Series 29 August Se Hogi
Pakistan, Afghanistan aur UAE ki T20 tri-series 29 August se Sharjah mein hogi, jisme har team do dafa eik dusre se khele gi. Final 7 September ko hoga. Series Asia Cup (9–28 September) ki tayyari ke liye hai. Pehla match Pakistan vs Afghanistan hoga. Agla T20 World Cup India aur Sri Lanka mein Feb-March 2026 mein hoga.
Imran Khan Ke Betay Visa Ke Intezar Mein
Aleema Khanum ne kaha ke Suleiman aur Kasim ne Pakistan ka visa London se apply kiya hai, jo ab Interior Ministry se approve hona baqi hai. Tallal Chaudhry ne poocha agar NICOP hai to visa kyun? Dono betay British nationals hain, is liye Pakistan mein siyasi activity ki ijazat nahi.