“Har Insaan Ko Itna Paisa Zaroor Kama Lena Chahiye Ke Paison Ki Wajah Se Uske Rishte Na Tootein”: Nida Yasir
Mashhoor host Nida Yasir ne rishton aur paison ke taaluq par baat karte hue kaha hai ke har insaan ko itna zaroor kama lena chahiye ke mali mushkilat rishtay tootnay ki wajah na banein. Unke is bayaan ne social media par financial stability aur zimmedariyon ke hawale se aik nayi behas cher di hai.
Superstar Shaan Shahid Ka Karachi Ke Adakaron Par Support Na Karne Par Shadeed Gussa
Shaan Shahid ne apni film “Psycho” ke trailer launch par na aanay par Karachi ke adakaron par shadeed tanqeed ki hai. Unhon ne kaha ke yeh log Bharat se call aanay par kehte hain art ki koi sarhad nahi hoti, magar Lahore ke adakaron ke liye sarhadein bana lete hain. Unhon ne Karachi ke superstars ke rawayye par na-khushi ka izhaar kiya.
Zahid Ahmed Ko Pride Of Performance Award Milne Par Dost Yumna Zaidi Ka Khubsurat Surprise
Adakara Yumna Zaidi ne apne behtareen dost Zahid Ahmed ko “Pride of Performance” award milne par aik khusoosi surprise diya hai. Yumna ne Zahid aur unki ahliya ke sath mil kar cake kata aur aik pyara paigham likha. Zahid ne is khubsurat dosti aur muhabbat ke liye Yumna aur unki walida ka shukriya ada kiya.
Zoya Nasir Ne Apne Waalid Nasir Adeeb Ki Controversial Statement Ki Wajah Bata Di
Adakara Zoya Nasir ne haal hi mein diye gaye interview mein apne waalid aur legendary writer Nasir Adeeb ke mutanaza bayanaat par baat ki hai. Unhon ne kaha ke unke waalid 87 saal ke hain aur purane daur se talluq rakhte hain, jahan woh baaz auqat haqeeqi logon aur kahani ke kirdaron mein farq bhool jate hain.
Instagram Par One Million Followers Hone Ke Baad Emaan Fatima Ka Naya Vlogging Plan Sun Kar Fans Barham
Digital creator Emaan Fatima ko Instagram par 1 million followers hone ki khushi mein naya vlogging plan share karne par shadeed tanqeed ka samna hai. Unhon ne bataya ke woh apne bhai Aon Sheikh ke vlogs mein milestone par nazar aayengi. Fans unhein Rajab Butt se talaq ke baad fame-hungry keh kar tanz kar rahe hain.
Cannes Film Festival Mein Debut Karne Par Mohib Mirza Ka Sanam Saeed Ke Liye Mohabbat Bhara Paigham
Actor Mohib Mirza ne Cannes Film Festival mein debut karne par apni biwi Sanam Saeed ke liye mohabbat bhara paigham share kiya hai. Unhon ne Sanam ki kamyabi par fakhar ka izhaar kiya aur sath hi unhein unke bete “Vali” ki pehli salgira par shukriya bhi ada kiya. Fans couple ki bonding ko bohot pasand kar rahe hain.
Adakara Hania Aamir Ne Asim Azhar Ke Bachpan Ki Tasveer Share Kar Ke Fans Ko Hairan Kar Diya
Mashhoor adakara Hania Aamir ne social media par singer Asim Azhar ke bachpan ki aik tasveer share ki hai jo tezi se viral ho rahi hai. Unki is unexpected post ne fans ko hairan kar diya hai aur internet sarifeen dono ke darmiyan purani dosti aur is naye rad-e-amal par dilchasp tabsare kar rahe hain.
“Shadi Na Chal Saki Magar…” Bushra Ansari Ke Career Ke Piche Kiska Hath Tha? Beti Ne Khamoshi Tod Di!
Legendary adakara Bushra Ansari ki beti Nariman Ansari ne apne maa baap ke rishtay par baat ki hai. Unhon ne bataya ke halankay unki shadi na chal saki, magar unke waalid Iqbal Ansari ne 80s aur 90s mein Bushra Ansari ke career ka bharpoor sath diya. Unho ne hi Bushra Ansari ko acting aur hosting ki taraf barhaya.
“Aap Jawani Mein Itna Kama Lein Ke Burhape Mein Apna Sahara Khud Ban Sakein”, Maryam Nafees
Mariyam Nafees ne jawan nasal ko mali tor par khud-mukhtar banne ka mashwara diya hai. Unhon ne kaha ke insaan ko apni jawani mein itna kama lena chahiye ke burhape mein woh kisi par bojh banne ke bajaye apna sahara khud ban sake. Fans unki is advice ko bohot pasand kar rahe hain.
Fawad Khan Ke Bete Ayaan Khan Ki Graduation; Khoobsurat Family Moments Ne Fans Ke Dil Jeet Liye!
Fawad Khan aur unki ahliya Sadaf Khan ne apne bete Ayaan Khan ki graduation ceremony mein shirkat ki hai. Is khushi ke mauqay par unhon ne apne bete ki is kamyabi ko aik saath celebrate kiya. Fans is khoobsurat family picture ko bohot pasand kar rahe hain aur Ayaan ke liye nek khwahishat ka izhaar kar rahe hain.