Basant Coverage Ke Doran Naeema Butt Ko Off-Air Karne Par G*o TV Ko Shadeed Backlash
G*o TV anchors ko Naeema Butt ke Basant coverage ke doran off-air karne par social media par backlash ka samna hai. Actor Naeema Butt ke abrupt removal ke baad netizens ne Huma Amir Shah aur Abdullah Sultan ko criticize kiya, unhon ne channel ki policies ko shameful qarar diya.
Tum Paisay Banao, Log Tumse Rishtay Khud Banayeingy: Parizaad
Pakistani drama Parizaad ka aik mashhoor dialogue phir se social media par chha gaya. “Tum paisay banao, log tumse rishtay khud banayeingy” ne muashray ki aik karwi haqeeqat ko highlight kiya. Hashim Nadeem ke likhay is drama ne class difference, paisay ki ahmiyat aur insani rawaiyon ko bohat gehrai se portray kiya.
Sunita Marshall Ali Abbas Se Kyu Impressed Ho Gayi?
Sunita Marshall ne show Subh Ka Samaa mein actor Ali Abbas ke saath kaam karne ka tajurba share kiya. Unhon ne Ali Abbas ko ek behtareen actor aur true gentleman qarar diya. Sunita ka kehna tha ke woh aam tor par set par kam baat karti hain, lekin Ali Abbas woh wahid shakhs hain jin se woh lagataar baat karti rehti hain.
Areeka Haq Ne Well-Settled Mardon Ki Talaash Mein Rehnay Wali Larkiyon Par Sawal Utha Diye
TikTok star aur actress Areeka Haq ne Fuchsia Magazine ko diye gaye interview mein larkiyon ke “well-settled mardon” ki demand par sawal utha diya. Areeka ka kehna tha ke agar larkiyan khud stable, independent aur career-oriented hon, tab hi aisi demands jaiz hoti hain. Unhon ne yeh bhi kaha ke saath mil kar career banana bhi bilkul theek hai.
Aroob Jatoi Ke Mobile Ka Forensic Karwanay Ki Darkhwast Manzoor
Lahore Session Court ne juay ki app promotion case mein Aroob Jatoi ke mobile ka forensic karwanay ki darkhwast manzoor kar li. Additional Session Judge Mansoor Ali Qureshi ne interim bail par samat ki. Court ne NCCIA ke investigation officer ko mobile forensic ke liye mohlat dete hue Aroob Jatoi ki interim bail 24 March tak barqarar rakhi.
Asma Abbas Ne Top Actresses Ke Kapron Ke Endorsements Ki Taaqat Par Baat Ki
Asma Abbas ne PTV ke show mein top actresses ke fashion influence par baat ki. Unhon ne kaha ke Zara Noor Abbas, Ayeza Khan aur Iqra Aziz jo bhi pehenti hain, us ka seedha asar logon ki shopping par hota hai. Asma Abbas ne Sajal Aly ke pehnay hue dress ka example dete hue bataya ke kaise woh outfit turant sold-out hogaya.
Kanwal Aftab Ne Apni Abusive Language Ko Defend Kiya
Content creator Kanwal Aftab ne social media par apni abusive language ko defend karte hue kaha ke jo comments logon ne diye unke mutabiq reply milega. Kanwal aur Zulqarnain Sikandar ke YouTube aur social media fans ko interact karte hue Kanwal ne kaha, “Agar respect chahte ho to khud respectful raho.” Yeh response unke dancing aur personal attacks par aya hai.
Personal Moments Share Karne Par Rabeeca Khan Aur Hussain Tareen Ko Trolling Ka Samna
Social media stars Rabeeca Khan aur Hussain Tareen ke Bali honeymoon videos par internet par sakht trolling shuru ho gayi hai. Bathtub aur romantic clips share karne par users ne content ko cringe aur private moments ko public karne par tanqeed ka nishana banaya. Kaafi logon ne privacy aur boundaries par sawal uthaye, jabkay trolling comments viral ho chuke hain.
Kya Hania Amir Sach Mein Shadi Kar Rahi Hein?
Hania Aamir ke nikkah ki afwahein phir se tezz ho gayi hain jab unhon ne aik fan ke sawal par jawab diya, “Jumme ki dopahar.” Is comment ke baad social media par confusion phail gayi. Fans yeh samajh nahi pa rahe ke yeh mazaq tha ya shadi ki taraf ishara.
Furqan Qureshi Ka Mere Paas Tum Ho Ki Kamyabi Aur Humayun Saeed Par Bayan
Actor Furqan Qureshi ne Mere Paas Tum Ho ki zabardast kamyabi aur Humayun Saeed ke saath kaam karne ka experience share kar diya hai. Bol Nights show mein unhon ne bataya ke is drama ne supporting actors ko bhi overnight star bana diya. Furqan ne Humayun Saeed ko humble, calm aur bohat kind insan bhi qarar diya.