Hina Afridi Ne Nikah Demands Ka Difa Kar Diya: “Larkiyan Shohar Se Kuch Bhi Maang Sakti Hain”
Pakistani actress Hina Afridi ne apne Nikah par hone wali trolling aur apni demands ko defend kiya. Hasna Mana Hai show mein unhon ne kaha ke larkiyon ka haq hai ke woh shohar se jo chahein demand karein. Hina ne Pakhtoon wedding tradition ke bare mein batayea jahan Barat par dulhe ke paon ke paas firing ki jati hai.
Yashma Gill Ka Hania Aamir Aur Asim Azhar Ki Shadi Ki Khabron Par Reaction
Pakistani actress Yashma Gill ne Ramzan transmission mein Hania Aamir aur Asim Azhar ki shadi ke rumors par reaction diya. Fan ke sawal par unhon ne kaha ke shadi do logon ka personal mamla hota hai aur sirf wohi is par baat kar sakte hain. Yashma ne kaha ke agar aisa kuch hua to dono khud Instagram par announce karenge.
Sana Javed, Umair Jaswal Ki Talaq Ke Baad Naya Inkishaaf? Singer Ki Post Ne Cheating Ki Afwahon Ko Hawa De Di
Pakistani singer Umair Jaswal ne social media post ke zariye ishara diya ke unki ex-wife Sana Javed ne unhe cheat kiya tha. Sana Javed ne January 2024 mein cricketer Shoaib Malik se shadi ka elan kiya tha jis par pehle bhi cheating allegations lage the. Umair ki recent Instagram quote ne fans ko yaqeen dila diya ke woh khud betrayal ka shikar hue.
Dr Nabiha Ali Khan Ne Rajab Butt Ko Second Marriage Se Warn Kiya
YouTuber Rajab Butt ke divorce controversy par Dr Nabiha Ali Khan ne unhein second marriage se warn kiya hai. Unhon ne kaha ke Eman Fatima achi larki hai aur wohi unke bete ki behtar tarbiyat kar sakti hai. Dr Nabiha ne yeh bhi kaha ke doosri larkiyan paison ke peeche ho sakti hain aur unhon ne mediation ki offer bhi di.
Ramzan Transmission Mein Wife Ka Mazaq Urana Sajid Hasan Ko Mehnga Par Gaya
Senior actor Sajid Hasan ko apni begum ka mazaq urane par shadeed public backlash ka samna hai. Ramzan transmission ke doran Sajid ne apni wife Shakeela ki mimicry ki aur unhein “degrade” kiya, jis par social media sarfeen ne unhein “Red Flag” qarar de diya. Logon ne unke bete ke scandals par bhi unhein kadi tanqeed ka nishana banaya.
Babar Azam National Team Management Ke Mashwaray Par Cricket Se Short Break Lene Ke Liye Taiyar
Babar Azam national team management ke mashwaray par cricket se mukhtasir break lene ja rahe hain. Zaraye ka kehna hai ke unhein thakawat ke baais aaram ka mashwara diya gaya hai, jis ki wajah se wo jari National T20 Cup ka hissa nahi honge. Fans ke liye yeh khabar kafi hairan-kun hai.
“Hania Aamir Ka 20 Lakh Ka Mutalba, Magar Maine Aaj Tak Kisi Guest Ko Itne Paise Nahi Diye”: Adnan Faisal
Mashhoor podcaster Adnan Faisal ne dawa kiya hai ke superstar Hania Aamir ne unke show par aane ke liye 20 lakh (2 Million) rupees ka mutalba kiya. Adnan ka kehna hai ke unhon ne aaj tak kisi guest ko itni badi raqam ada nahi ki. Unhon ne wazahat ki ke wo sirf production costs hi mutual consent se lete hain.
Flight Mein Nahana Mehnga Par Gaya: Aijaz Aslam Ke Inkishaaf Par Adnan Siddiqui Tanqeed Ki Zad Mein
Aijaz Aslam ke aik inkishaaf ne Adnan Siddiqui ko mushkil mein daal diya. Aijaz ne bataya ke aik international flight ke doran Adnan restroom mein naha rahe thay jis se pani bahar aa gaya. Is “ghair-tehzeeb yafta” harkat par social media sarfeen ne Adnan ko shadeed tanqeed ka nishana banate hue ise mulk ki badnami qarar diya hai.
Little Arham Qadri Ne Jeet Liye Sab Ke Dil Ramzan Transmission Mein
Nanhe Naat Khawan Arham Qadri ne apni masoomiyat aur pur-aitamad guftagu se Shaan-e-Ramzan mein sab ke dil jeet liye. Arham ki Naat aur khoobsurat libas ko social media par behad pasand kiya ja raha hai. Khususan rabbits (khargosh) se darne wali unki viral videos ne unhein raaton-raat netizens ka pasandida star bana diya hai.
Farhana Maqsood Ka Bara Inkishaaf: Humayun Saeed Par Scam Ka Ilzaam
Adakaara Farhana Maqsood ne Humayun Saeed par “scam” karne ka ilzaam laga diya. Farhana ka dawa hai ke film ‘Main Hoon Shahid Afridi’ ke liye unhein galat briefing di gayi aur telefilm bol kar feature film mein kaam karwaya gaya. Unhon ne bataya ke unhein na cast mein shamil kiya gaya aur na hi kisi promotional event ya premiere par bulaya gaya.