Muamma Fans Ke Liye Buri Khabar: Drama Ab Hafte Mein Sirf Aik Din On-Air Hoga
Muamma drame ke fans ke liye bari khabar! Ab ye drama hafte mein do din ke bajaye sirf har Budh (Wednesday) raat 8 baje par aya karega. Isi wajah se is hafte ka episode nahi dekhaya gaya, jis par fans kafi gussa hain. Jiji (Saba Qamar) ki kahani ab naye mor par hai aur agla episode jald nashar hoga.
Popular Pakistani Drama “Tere Bin” Ka Finale Aik Bada Milestone Cross Kar Gaya YouTube Par 100 Million Views Se Bhi Zyada Ho Gaye!
Wahaj Ali aur Yumna Zaidi ke blockbuster drama ‘Tere Bin’ ne aik aur bara record tod diya. Is drame ke aakhri episode ne YouTube par 100 million views mukammal kar liye. Ye Pakistan ka pehla drama hai jis ke sirf aik episode ne itne sare views hasil kiye hai. Fans ab besabri se is ke sequel, ‘Tere Bin 2’ ka intezar kar rahe hain.
Javeria Saud Ka Apne Show Ke Khilaaf Hone Wale Propaganda Par Rad-E-Amal
Javeria ne apne Ramzan show par hone wali tanqeed ka jawab de diya. Unhon ne kaha ke log ise mehez ratings ka drama samajhte hain, lekin asal mein unki team zarooratmand logon ki madad karti hai. Javeria ke mutabiq, “propaganda” karne wale unki mehnat nahi dekhte. Unhon ne mazeed kaha ke Allah ki madad se wo mustahiq logon tak pohanch rahe hain.
Mizna Waqas Ki Asli Umer Ke Inkishaaf Par Online Behas Shuru
Mizna Waqas ne apni asli umer bata kar sab ko hairan kar diya! Aik show mein unhon ne bataya ke wo 43 saal ki hain aur 1983 mein paida huin. Mizna ka kehna hai ke aurton ko apni umer nahi chupani chahiye. Is inkishaaf ke baad behas shuru ho gayi hai aur log keh rahe hain ke wo apni umer kam bata rahi hain.
Ishq Zah-E-Naseeb Ne Zahid Ahmed Ke Parenting Style Ko Kaise Affect Kia?
Zahid Ahmed ne bataya ke drama ‘Ishq Zah-e-Naseeb’ mein ‘Sameer’ ka kirdar nibhane ke baad unka bacchon ki parvarish ka tarika badal gaya hai. Unhon ne seekha ke sakhti aur daant-dapat se bacche ki shaksiyat toot sakti hai. Zahid ab apne do beton ki parvarish mein unki izzat-e-nafs aur jazbaati sehat ka boht khayal rakhte hain taake unka aitmaad bana rahe.
Faisal Rehman Kyu Nahi Karte Hero Ke Father Ka Role?
Veteran actor Faisal Rehman ne Shan e Suhoor mein bataya ke woh aksar hero ke father ka role nahi karte. Unka kehna hai ke agar role meaningful aur script mein important ho to koi masla nahi, lekin insignificant roles unhe accept nahi. Fans unke unique aur impactful characters dekhna pasand karte hain.
Shaan Shahid Starrer Bullah Ka Intense Trailer Release Ho Gaya
Pakistani superstar Shaan Shahid ki upcoming Punjabi film Bullah ka intense trailer release ho gaya hai. Film ko Shoaib Khan direct kar rahe hain aur cast mein Saleem Sheikh aur Naeema Butt bhi shamil hain. Shaan vigilante Bullah ka kirdar nibhayenge. Film Eid ul Fitr par release hogi aur fans trailer ke action aur comeback ko kaafi pasand kar rahe hain.
Hassan Jahangir Ne Apni Zindagi Ki Bari Tragedy Ka Inkishaaf Kiya
Legendary Pakistani singer Hassan Jahangir ne pehli baar apni zindagi ki bari tragedy share ki. Unhon ne bataya ke unki wife ka inteqal 27–28 saal pehle ho gaya tha jab unki beti choti thi. Uske baad unhon ne dobara shadi nahi ki aur apni beti ki parwarish par tawajjo di. Aaj unki beti Sweden mein doctor hai.
Zara Noor Abbas Ki Family Ke Sath Sweet Birthday Celebration
Pakistani actress Zara Noor Abbas ne apna birthday husband Asad Siddiqui aur beti Noor e Jahan ke saath family gathering mein celebrate kiya. Actress ne cake cut kiya aur apni beti ke saath khushi ke lamhe enjoy kiye. Celebration ki tasveerain social media par share ki gayin jahan fans ne unhein birthday wishes aur pyar bhare messages bheje.
Faysal Quraishi Ko Srha Asghar Ki Pregnancy Par Comment Karne Par Backlash Ka Samna
Pakistani actor aur host Faysal Quraishi ko Ramzan transmission mein actress Srha Asghar ki pregnancy par comment karne par social media backlash ka samna hua. Unhon ne kaha ke Srha ne apni second pregnancy chupa kar set par kaam kiya. Srha ne sawal ignore kar diya. Fans ne isay inappropriate kaha aur Ramzan show mein aise sawalon par narazgi zahir ki.