Fan Ne Alia Bhatt Ka Bazu Pakar Liya, Zabardasti Photo Ki Koshish
Mumbai mein eik religious function ke doran fan ne Alia Bhatt ka bazu pakar ke zabardasti photo lene ki koshish ki. Halka sa hungama hua magar actress ne sabr aur narami se situation handle ki, security ko rok kar shauqeen fan ke sath tasveer bhi banwa li. Alia iss waqt apni action thriller Alpha ki tayyari mein busy hain.
Choti Bahu Ko Dekh Kar Lagta Hai Ke Sache Musalman Ko Aisa Hi Hona Chahiye: Saba Faisal
Saba Faisal ne eik TV show mein apni choti bahu Nisha ko “sache Musalman” ki misaal qarar diya. Unhone kaha ke Nisha ne walid ke inteqal par sabr aur iman dikhaya, ghar mein positive mahol laya aur unke depression ko bhi kam kar diya. Saba Faisal boli: “Uska aqeeda itna mazboot hai ke har musibat mein Allah ka shukr ada karti hai.”
Syed Jibran Ne Haris Rauf Se Maafi Maang Li
Actor Syed Jibran ne Asia Cup 2025 final mein Pakistan ki haar ke baad fast bowler Haris Rauf par ki gayi sakht tanqeed par public apology de di. Instagram story mein unhone afsos ka izhar kiya ke ghalti sirf eik khiladi ki nahi balki poori team ki thi. Jibran ne likha: “Maazrat, mujhe behtareen insaan banna chahiye.”
Hania Aamir Ki Mashhoor Bangladeshi YouTuber Ke Ghar Dawat, Video Viral
Pakistani actress Hania Aamir Bangladesh mein mashhoor YouTuber Iftikhar Rafsan ke ghar dawat par pohanchin. Unhone family ke sath mulaqaat ki, traditional khanon ka maza liya aur video kuch hi der mein viral ho gayi. Fans ne Hania ki simplicity aur Rafsan family ki hospitality ko saraha. Hania ko khas taur par Bangladeshi gulab jamun bohot pasand aaye.
Ducky Bhai Ki Zamanat Par Faisla Mehfooz, Accounts Mein Kitni Daulat Mojood Hai?
Lahore Sessions Court ne YouTuber Ducky Bhai ki bail par faisla reserve kar liya. Prosecutor ne bataya ke unke accounts mein 21 crore rupay mile hain jinka source clear nahi. Ilzaam hai ke unho ne Binomo, Bet365 aur illegal apps promote ki. NCCIA kehta hai 46 apps ban, FIR mein Ducky pe Binomo manager hone ka bhi charge.
Parh Liya Hota Toh Itni Jad o Jehad Nahi Karni Parti, Rajab Butt
Rajab Butt ne kaha agar parhai kar leta to zindagi asaan hoti. Rajab ne maan liya ke taleem ki kami ne safar mushkil banaya. Rajab Butt ka yeh bayan youth ke liye wake-up call hai ke education hi behtareen zindagi ki guarantee hai. “Parh liya hota to itni jad o jehad na hoti,” uska afsos.
Aaj Ka Sawal, Namaz Parhna hai Ya Namaz Parhni hai? Jawab Janiye
Dr. Rauf Parekh ke mutabiq dono sahi hain! Urdu mein masdar (parhna, likhna, khana) muzakkar aur moannas dono tor pe istemal hoti hai. Misal: roti khani hai / roti khana hai, namaz parhni hai / namaz parhna hai. Delhi walay moannas form ko tarjeeh dete hain (parhni), Lucknow walay muzakkar (parhna). Matlab, dono qawaid ke hisaab se theek hain!
Parveen Babi Ki Biopic Series Ke Liye Kis Actress Ko Muntakhib Kar Liya Gaya?
Netflix ne Bollywood legend Parveen Babi ki biopic series ke liye rising star Triptii Dimri ko cast kar liya! Series ka direction Shonali Bose karengi aur shooting March 2026 se shuru hogi. Parveen Babi, 70s-80s ki bold aur modern heroine, Deewar, Amar Akbar Anthony aur Shaan jesi hits ka hissa rahi. Ab sab ki nazar Triptii ke performance par hai.
Sana Javed Ne Apne Naam Se Facebook Par Jali ‘Verified’ Account Be-Naqab Kar Diya
Actress Sana Javed ne apne naam se banaye gaye jali verified Facebook page ko expose kar diya. Is fake page ke 17 lakh followers hain jabke unke asli official page ke 12 lakh. Instagram story mein Sana ne fans ko alert karte hua kaha ke ye fraud hai, main isse control nahi karti. Unhone page report kar diya hai.
Ayeza Khan Ke Bhai Ke Sath Purani Tasveeron Par Fans Sara Khan Ke Support Mein Aa Gaye
Ayeza Khan ke bhai ki shadi ke baad unki ex-fiancée ki purani posts aur tasveerain viral ho gayi jisme Sara Khan ko bhi target kiya gaya. Fans foran Sara ke support mein kharay ho gaye aur kaha ke wo happily married hain Falak Shabir ke sath aur unki family life ko aise rumors se disturb nahi karna chahiye.