Rajab Butt Ki Walida Ne Eman Ke Sath Sulah Ki Sharait Aur Pabandiyan Bata Di
Rajab butt ki walida ka viral voice note samne aa gaya jis mein unhon ne Eman se sulah ke Terms & Conditions batayi. Unka kehna hai ke Eman ko wapis aa kar apne shohar aur bete ko tarjeeh deni chahiye. Unhon ne wada kiya ke wo sab maaf kar dein gi aur Rajab ke gusse ke darmiyan khud khari hon gi.
Sana Faysal Ne Saba Faisal Ke Viral Bayan Ka Jawab De Diya
Saba Faisal ke viral bayan par Sana Faysal ne karara jawab diya. Saba Faisal ne kaha tha ke bahu ko 10 minute ki neend ke liye bhi saas se ijazat leni chahiye. Sana Faysal ne ise “Brain Problem” aur “Insecurity” qaraar dete hue kaha ke ye sirf apni power dikhane ka tareeqa hai aur aurton ko ye “Cycles Of Abuse” khatam karne chahiye.
Iqra Kanwal Aur Areeb Ne Apni Beti Ki Paidaish Ke 6 Maheenay Mukammal Honay Ka Jashan Manaya
Mashhoor YouTuber Iqra Kanwal aur unke shohar Areeb ne apni beti ki paidaish ke 6 maheenay pooray honay par khushi manayi. Unhon ne is mauqay par cake kata aur apni beti ke sath pyari tasaveer share ki. Iqra aur Areeb ke fans unhein is khushi ke mauqay par bohot mubarakbaad de rahe hain.
Danish Taimoor Aur Hiba Bukhari Ke Naye Drama ‘Humrahi’ Ka Intense Trailer Release
Danish Taimoor aur Hiba Bukhari aik baar phir sath, is drame ka pehla trailer release kar diya gaya hai, jisay dekh kar fans bohot excited hain. Yeh aik shadeed ishq ki kahani hai jis ki shooting teen mukhtalif mulkon mein ki gai hai. Fans ka kehna hai ke ‘Deewangi’ aur ‘Jaan Nisar’ ke baad yeh jori aik aur blockbuster denay wali hai.
Sadia Imam Ki J@ng Aur School Holidays Par Tanziya Viral Post
Mashhoor adakara Sadia Imam ne social media par Middle East jang aur school holidays ke hawalay say aik dilchasp post share ki hai. Unhon ne tanziya andaz mein kaha ke asli jang larnay walon ke school khulay hain, magar jo log sirf door baith kar tamasha dekh rahe hain, un ke school band hain.
Mahira Khan Ne Apne Bachpan Ki Yaadgar Tasveer Social Media Par Share Kar Di
Pakistani superstar Mahira Khan ne social media par apne bachpan ki aik yaadgar tasveer share ki hai. Is tasveer mein adakara bohot pyari lag rahi hain aur fans ko unka yeh purana andaz bohot pasand aa raha hai. Mahira Khan aksar apnay fans ke sath apni purani yaadein share karti rehti hain.
Meri Zindagi Hai Tu Ki Akhri Qist: Viewers Ne Happy Ending Ki Mukhalifat Kar Di
Drama ‘Meri Zindagi Hai Tu’ apnay ikhtitaam ke qareeb hai, magar viewers happy ending ke khilaaf hain. Fans ka kehna hai ke Kamyar ka kirdaar bohot toxic hai aur Ayra ko usay chor dena chahiye. Log social media par gussay ka izhaar kar rahe hain ke aisay mard ko mafi nahi milni chahiye aur kahani ka anjaam bura hona chahiye.
Ayeza Khan Ki Danish Taimoor Ke Liye Iftar Ki Tayari Ne Fans Ke Dil Jeet Liye
Ayeza Khan ne Danish aur doston ke liye khud Iftar tayyar kiya. Pehlay Ayeza Khan ne mazaq mein kaha tha ke unhein khana banana nahi aata, magar ab unhon ne behtareen khana bana kar sab ko hairan kar diya. Social media par fans Ayeza Khan ki mehnat aur un ki Danish Taimoor ke sath pyari jori ki bohot tareef kar rahe hain.
Iftar Party Ki Video Share Karna Saba Faisal Ko Mehnga Par Gaya
Saba Faisal ko Iftar party mein dupatta na leny par social media par sakht tanqeed ka samna. Saba Faisal ne Lahore mein apny ghar walon aur doston ke liye aik bari Iftar dawat rakhi thi, jis ki video unhon ne Instagram par share ki. Fans ka kehna hai ke Ramzan ke muqaddas maheenay mein unhein munasib tareeqay se dupatta lena chahiye tha.
Live Show Mein Sana Javed Ki Dakaar Par Fahad Mustafa Ne Trolling Kardi
Jeeto Pakistan live show ka aik mazahia waqia viral horaha hai. Game ke doran Sana Javed ko dakaar (burp) aayi, jisay Fahad Mustafa nay foran pakar liya aur un ka mazak urana shuru kar diya. Fahad nay mazaq mein kaha kay ab celebrities live TV par dakaar lay rahy hain. Fans is video ko bohot dilchasp aur funny qarar de rahe hain.