Nyla Raja Ne Imad Wasim Se Shadi Par Khamoshi Tordi
Nyla Raja ne apne shadi ke faislay par pehli baar khul kar baat ki aur apni Instagram post mein isay zindagi ka best decision qarar diya. Nyla ne bataya ke unka shadi ka rishta Imad Wasim ke sath sachai aur izzat par mabni hai, aur agar Imad apne bachon ke sath wapas aayein to wo unko bhi openly accept karengi.
Aag Lagay Basti Mein Film kab Release Hogi?
Is saal ki most anticipated Eid releases mein shamil Aag Lagay Basti Mein audience par gehra asar chhorne ke liye tayyar hai. Film mein Fahad Mustafa aur Mahira Khan lead roles mein nazar aayengay. Fun storytelling aur socially relevant themes ke sath, yeh film paisa-wasool cinema ka wada karti hai aur box office par strong interest paida kar sakti hai.
Waqar Hussain Ne Producers Ke Zillat Aamez Rawayye Ka Parda Faash Kar Diya
Waqar Hussain ne bataya ke Qudussi Sahab Ki Bewa ke baad unhein koi naya acting role offer nahi hua. Unka kehna hai ke industry mein makeup artists, khaaskar senior artists, ko producers aur stars ki taraf se zillat ka samna karna parta hai. Aksar stars apna personal makeup artist set par le aate hain aur baqi artists ko ignore kiya jata hai.
Hasan Niazi Ne Naye Pakistani Heroes Ki Unprofessionalism Par Baat Ki
Hasan Niazi ne naye Pakistani heroes ki unprofessional attitude par baat ki. Unhon ne kaha ke aaj kal juniors seekhne ke liye tayar nahi hote aur seniors ki kami mehsoos hoti hai. Hasan ke mutabiq, jab advice ki qadar na ho to behtar hai apni baat apne tak rakhi jaye. Unka kehna tha ke har artist apne waqt par hi seekhta hai.
Supermodel Roma Michael Ne Pakistanis Ko Call Out Kar Diya
Supermodel Roma Michael ne Pakistanis ko professionalism ki kami par call out kar diya. Unhon ne kaha ke woh apne mulk aur logon se mohabbat karti hain lekin yahan kaam mein seriousness aur system ki bohat kami hai. Roma ke mutabiq international projects mein log zyada professional aur organized hote hain, jab ke Pakistan mein yeh cheez missing hai.
Rajab Butt Ne Valentines Day Par Mohabbat Ko Alvida Keh Diya
Rajab Butt ne Valentines Day par ek emotional video share kar ke fans ko hairan kar diya. Video mein unhon ne gulab ko masal kar apni mohabbat ko alvida kehne ka ishara diya, jo logon ke mutabiq unki biwi Emaan Fatima ke liye tha. Is video par social media par shadeed tanqeed aur reactions dekhne ko mil rahe hain.
Fiza Ali Ne Mufti Abdul Qavi Ko Sakht Tanqeed Ka Nishana Bana Diya
Fiza Ali ne live show mein Mufti Abdul Qavi ko sakht sawalat ke zariye gher liya. Unhon ne disco jana, aik young larki ke sath viral video aur alcohol ko halal kehne walay bayan par shadeed tanqeed ki. Fiza ka kehna tha ke aisi jaghon par jana aur aise rawayye bilkul ghalat hain aur inhein justify nahi kiya ja sakta.
Indian Actor Kanwaljit Singh Ka Bushra Ansari Ke Sath Kaam Karne Ka Tajurba
Indian actor Kanwaljit Singh ne Bushra Ansari ke saath kaam karne ka experience share kiya. Unhon ne Bushra Ansari ko ek zabardast actor, writer aur dost kaha. Kanwaljit ne bataya ke web series Kuch Dil Ne Kaha Bangkok mein shoot hui kyun ke dono mulkon ka safar mumkin nahi tha. Unhon ne Bushra Ansari aur unke artistic family ki bohat tareef ki.
Kya Ali Raza Aur Kinza Hashmi Dating Kar Rahe Hain
Fans yeh andazay laga rahe hain ke Ali Raza aur Kinza Hashmi sirf co-stars nahi balke dating bhi karahe hain. Valentines Day par Kinza ki “lover” wali pictures aur ek car detail ne fans ko shak mein daal diya hai. Logon ka kehna hai ke tasveer Ali Raza ki car ki hai, jis ke baad dating rumours aur tez ho gaye hain.
Shamoon Abbasi Aur Sherry Shah Separate Bedrooms Par Baat Karte Hue
Shamoon Abbasi aur Sherry Shah ne apni married life ka ek unique pehlu share kar diya. Dono ne bataya ke woh separate bedrooms rakhte hain aur ek doosray ko space dete hain. Unka kehna hai ke personal space se unki communication behtar hui hai aur unka rishta zyada strong aur healthy bana hai.