Bilal Abbas aur Durefishan Saleem ki Shaadi ki Afwahein Dobaara Viral, Dono Sitaron ki Khamoshi Ne Maddahon Ko Bechain Kar Diya
Bilal Abbas Khan aur Durefishan Saleem apni shadi ki afwahon ki wajah se social media par aik baar phir trend kar rahe hain. Dono adakaron ki on-screen chemistry maddahon mein behad pasand ki jati hai. Dono sitaron ne ab tak in afwahon par mukammal khamoshi ikhtiyar ki hui hai, jis se logon ka taajub mazeed barh gaya hai.
“Dosti ke Baad Dushmani!”: Saqib Saleem Ki Biwi Sumaira Khan Ka Momina Iqbal Ko Harass Karne Aur Shaadi Ka Sach Batane ka Khulasa
Momina ki behen Rimsha ke mutabiq, Saqib ki pehli bivi Sumaira ne hi Momina ko call kar ke bataya tha ke Saqib pehle se shadi-shuda hain, jis ke baad Momina unse alag ho gayin. Dono khwateen mein dosti bhi ho gayi thi, lekin ab Saqib ki biwi badla lene ke liye Momina ki zindagi kharab karne ki koshish kar rahi hain.
“Bachon Ko Mature Hone Tak Qurbani Mat Dekhao”: Chote Bachon Ke Zehn Par Parne Wale Asraat Par Nadia Khan Ki Parents Ko Advice
Nadia Khan ne bachon ko Eid-ul-Adha par qurbani dikhane ke hawale se ahem raye share ki hai. Unka kehna hai ke jab tak bache mature na hojaein aur qurbani ka asal maqsad na samajh lein, unhein yeh sab nahi dekhana chahiye kyunke yeh unke liye takleef-deh amal ho sakta hai.
“Controversies Ne Mujhe International Banaya”: Huda Kattan Se Mulaqaat Aur Perfume Collaboration Par Ken Doll Ka Bara Khulasa”
Ken Doll ne Huda Beauty ke sath apne perfume collaboration par baat ki. Unhon ne bataya ke unhein London mein barhay launch ke liye bulaya gaya tha jahan unki mulaqaat Huda Kattan se hui. Adnan ka kehna hai ke unki mazi ki controversies ne unhein international platform par pohanchaya, kyunke Huda ki team unki har controversy par barri nazar rakh rahi thi.
“Hamari Industry Bollywood Se Bohat Behtar Hai”: Shadi Aur Bachon Ke Baad Bhi Actresses Ko Heroine Lene Par Farhan Saeed Ka Pakistani Industry Par Fakhar
Farhan Saeed ne aik interview mein Pakistani drama aur film industry ki tareef karte hue kaha hai ke hamari industry Bollywood se behtar hai. Unhon ne bataya ke Pakistan mein khwateen ko shadi aur bache hone ke baad bhi bator-e-heroine qubool kiya jata hai, jabke parosi mulk mein shadi ke baad actresses ko retired samajh liya jata hai.
“The Calm Behind Khushhal’s Storm”: Shadi Ke Baad Ramsha Khan Ka Naya Instagram Bio Aur Username Viral
Khushhal Khan ki shadi ke baad unki wife Ramsha ne Instagram par apna naya account active kar liya hai. Ramsha ne apna username tabdeel karne ke sath bio mein “the calm behind Khushhal Khan’s storm” likha hai, jabke dono ne aik jaisi display picture bhi lagayi hai. Sarifeen is jaldi aur khubsoorat post-Nikkah update ko behad pasand kar rahe hain.
“Sitara-e-Imtiaz Ke Saath Sirf 500 Rupay ka Cheque Fankaaron Ki Toheen Hai”: Hukumat par Adakara Mishi Khan ka Sakht Gussa
Mishi Khan ne Sitara-e-Imtiaz haasil karne wale fankaron ko hukoomat ki taraf se sirf 500 rupay ke cheque diye jaane par kadi tanqeed ki hai. Unhon ne ise fankaron ki toheen qaraar dete hue kaha ke iqtedar mein baithe log apne upar lakhon kharch karte hain magar fankaron ko itni mamooli raqam di jati hai.
“Qurbani Mein Reham-Dili Zaroori Hai”: Eid-ul-Adha Par Janwaron Ke Sath Narmi Aur Ehtram Se Pesh Aane Par Sabeena Farooq Ka Ahem Paigham
Sabeena Farooq ne Eid-ul-Adha ki amad par janwaron ke sath narmi aur ehteram se pesh aane ka aik ahem paigham share kiya hai. Unhon ne zor diya ke qurbani ke jazbe mein reham-dili shamil honi chahiye aur khushi ke is mauqe par riwayaat ko poori dekh-bhaal aur janwaron ke haqooq ka khayal rakhte hue nibhana chahiye.
“Apni Kidneys Bachao Warna Yeh Bech Dega!”: Saqib Chaddar Ke Gaari Wale Daaway Par Momina Iqbal Ka Shandar Tanziya Jawab
Momina ne Saqib ke ilzaam par jawab diya ke unke shohar unhi ki di hui gift car istemaal kar rahe hain. Momina ne Instagram par kaha ke is shakhs ko lagta hai poora mulk iske paison par chal raha, Pehle Fortuner aur ab doosri gaari ka jhoota dawa karne wale se log apni kidneys mehfooz rakhein warna yeh unhein bhi bech dega.
Kumar Sanu Ke Concert Mein Shohar Ke Sath Dance Karne Par Fiza Ali Internet Par Trolled
Fiza Ali ko London mein singer Kumar Sanu ke concert ke doran apne shohar Ejaz Khan ke sath over-the-top dance aur expressions par internet par kadi tanqeed ka samna hai. Sarifeen ne unke is andaz ko “attention-seeking” aur “chichora” qaraar dete hue kaha ke aisi niji videos ko is tarah social media par viral karna bilkul munasib nahi lagta.