Salgirah Par Zahra Ke Liye Syra Yousuf Ka Pyar; “Bara Dil Aur Behtareen Tarbiyat” Fans Ka Syra Ke Liye Bohat Sara Pyar
Syra Yousuf ne apni salgirah ghar par saadgi se manayi, jahan unki beti Nooreh aur Shahroz Sabzwari ki doosri beti Zahra bhi unke saath nazar aayin. Syra ne Zahra ko hamesha ki tarah boht pyar aur narmi se gale lagaya, jis par social media viewers unke is haseen rawaiye aur bare dil ki boht tareef kar rahe hain.
“Mujhe Dubai Ki Branded Duniya Se Uljhan Hoti Hai” Bushra Ansari
Bushra Ansari ne kaha hai ke unhen Dubai ki branded zindagi se uljhan hoti hai. Unhon ne numaish ke bajaye saadgi aur asliyat ko tarjeeh dene ki baat ki. Bushra Ansari ka manna hai ke insaan ko materialistic cheezon ke bajaye zaroorat pasandi apnani chahiye. Unka ye bayaan modern lifestyle ke hawale se aik mukhtalif aur mature soch ko zahir karta hai.
“Ghar Ke Mulazmeen Hi Gharon Mein Larai Karwate Hain” Saba Faisal
Saba Faisal ne inkishaf kiya hai ke ghar ka sukoon ya fasad mulazmeen ke hath mein hota hai aur wahi aksar gharon mein jhagron ki wajah bante hain. Unhon ne bataya ke unki apni domestic help bhi unse chughli karne ki koshish karti hai, lekin wo foran unhen khamosh kara deti hain.
Rirhhi Walon Ke Saath Baitho To Lahori Accent Aata Hai” Ali Raza Aur Nadia Khan Ke Bayaan Par Fans Gusse Mein Aa Gaye
Nadia Khan ne Ali Raza ki Urdu ki tareef karte hue pucha ke unka lehja Lahori kyun nahi hai. Is par Ali ne jawab diya ke “Lahori lehja tab hota hai jab aap rirhhi walon ke saath baithein.” Viewers ne is bayaan par shadeed gusse ka izhaar karte hue kaha ke makhsoos ilaqayi lehjay ko jahalat se jorna intehai ghalat baat hai.
Beti Ke Samne Shohar Ke Saath Romance; Fiza Ali Ki Nayi Video Par Viewers Ka Shadeed Gussa
Fiza Ali ne car mein shohar ke saath gaana gate hue romance ki video post ki, jisay unki beti record kar rahi thi. Viewers ne beti ke samne aisi harkat par sakht gussa jataya hai. Logon ka kehna hai ke beti ko ye sab dikhana munasib nahi aur ye video dekh kar unhen sharam aa rahi hai.
“Mard Kahin Nahi Jata, Laut Kar Biwi Ke Paas Hi Aata Hai” Saba Faisal Ka Shoharon Par Shak Karne Wali Biwiyon Ko Mashwara
Saba Faisal ne bataya ke 25 saal pehle unke shohar ki office receptionist unhe pasand karti thi, magar unke wahan se jane ki wajah se usne naukri chor di. Unhon ne mashwara diya ke mard agar baahar muun maaren bhi to biwiyon ko pareshan nahi hona chahiye kyunke aakhir mein mard laut kar apne bacchon ki maa ke paas hi aata hai.
“Main Sab Kuch Chhorna Chahta Tha” Meesha Shafi Case Ke Dauran Ali Zafar Ki Showbiz Chhorne Ki Khwahish
Ali Zafar ne inkishaf kiya hai ke case ke doran unhon ne showbiz chorne ka soch liya tha. Unhon ne bataya ke wo sirf aik fankar banna chahte thay magar jab politics unki zindagi mein aayi to wo udaas ho gaye. Ali ke mutabiq unke khandan ki himmat ne unhen is mushkil waqt se nikalne mein madad di.
Nadia Jamil Ne Apni Umar Bata Kar Sab Ko Hairaan Kar Diya
Nadia Jamil ne bataya hai ke wo is saal 54 saal ki ho jayengi aur unhen apni umar par fakhr hai. Unhon ne kaha ke aaj kal ke daur mein 50 saal tak pohanchna bhi aik kamyabi hai. aur kaha ke Allah ke siwa kisi ki zaroorat nahi aur har aurat ko chahiye ke wo doosron ke bajaye pehle khud se mohabbat karein.
Farhan Saeed Bane “Male Hala”; Naye Drame Mein Adakaar Ki Haalat Dekh Kar Fans Ko Mere Humsafar Ki Hala Yaad Aa Gayi
Farhan Saeed naye drama “Bas Tera Saath Ho” mein aik mazloom kirdar nibha rahe hain, jise dekh kar fans unhen “Male Hala” keh rahe hain. Teasers mein unhen ghar ke kaam karte aur phate hue kapron mein dekh kar logon ko “Mere Humsafar” ki Hala yaad aa gayi. Sarifeen ka kehna hai ke is baar Farhan khud “Cinderella” ban gaye hain.
7 Saal Ka Intezar Khatam; Aiman Khan Ki Acting Ki Duniya Mein Shandaar Wapsi
Aiman Khan saat saal baad acting mein wapis aa rahi hain. Unhon ne apne career se lamba break liya tha, magar ab wo naye projects ke liye taiyaar hain. Fans unhen dobara screen par dekhne ke liye boht excited hain aur unka kehna hai ke Aiman ki wapsi se industry mein aik nayi jaan aa jaye gi.