Faysal Quraishi aur Ushna Shah ek naye action-packed drama mein saath nazar aayenge, jiska title “Chasing Shadows” hai. Drama ko Ushna Shah produce kar rahi hain aur isme Affan Waheed, Ali Rehman, Mehar Bano aur Asif Raza Mir bhi shamil hain. Abu Aleeha ne likha hai aur Asad Mumtaz direct kar rahe hain. Filming Karachi mein ho rahi hai.

Pakistani actor Moammar Rana ka short interview social media par viral ho gaya, jahan unka drunk appearance logon ki tawajjoh ka markaz bana. Unhon ne Basant aur Pakistani film industry ke zawaal par apne raye di. Fans aur viewers ne unki sehat aur haal par fikr ka izhar kiya, kuch ne unhe nashay mein hone ka andesha bhi zahir kiya.

Indian actors Rashmika Mandana aur Vijay Deverakonda ki shadi ki tayariyon ki khabrein social media par viral ho gayi hain. Rajasthan ke Udaipur ke City Palace mein 2 February 2026 ko unki shadi hone ka dawa hai. Dono actors ne abhi tak apni shadi ya private life par khula jawab nahi diya hai.

Hollywood actress Margot Robbie apni nayi film ke premiere par Mughlia daur ke aik tareekhi haar ki wajah se spotlight mein aa gayin. Heeron aur qeemti pathron se saja yeh haar Malika Noor Jahan se mansoob hai. Haar par Farsi mein “Mohabbat Hamesha Qaim Rehti Hai” likha hai aur yeh 2011 mein 88 lakh dollar mein neelam hua tha.

South Asia Index ki latest list mein Pakistani actresses ne zabardast dominance dikhai hai. Mahira Khan ne South Asia ki 20 Most Beautiful Women list mein top position hasil ki, jabke Hania Aamir aur Sajal Aly second aur third number par rahin. List mein 20 mein se 11 actresses Pakistan se hain, jo industry ke liye aik badi achievement hai.

South Indian actress Aishwarya Rajesh ne Inkishaaf kiya hai ke career ke ibtidaai dinon mein aik photographer ne photo shoot ke naam par na-munasib aur be-huda libaas pehnay ka mutalba kiya. Actress ke mutabiq yeh waqia un ke liye zehni tor par bohat sadma tha. Unhon ne himmat aur samajhdaari se khud ko is surat-e-haal se bachaya.

Young Pakistani actress Aina Asif ka upcoming Hum TV Ramzan drama ka teaser release ho gaya hai. Drama “Tum Larkay Bhi Na” mein Aina, Ali Dayyan ke opposite nazar aayengi. Fasih Bari Khan ke likhay aur Yasir Nawaz ke direct kiye gaye is play ko Momina Duraid produce kar rahi hain. Fans teaser par kaafi excited hain.

Pakistani TV host aur actor Tauseeq Haider ne Umrah ke doran apne tattoos par hone wali social media tanqeed par jawab diya. Unhone podcast mein kaha ke yeh unka pehla Umrah tha aur unhone spiritual experience ka poora lutf uthaya. Tauseeq ne bataya ke negative comments ke bawajood unhone apni video delete nahi ki aur criticism par dhyan nahi diya.

Pakistani actress aur host Amna Malik wedding event par dance karti nazar aayin jahan unka bold aur revealing outfit social media par discussion ka sabab ban gaya. Pink aur orange see-through Anarkali dress mein unki appearance par kai users ne tanqeed ki, jabke kuch ne isay ghair zaroori qarar diya.

Pakistani actress, producer aur host Javeria Saud ne social media trolling aur apne bold fashion choices par jawab diya. Unhone kaha ke apne dress ke neeche full body suit pehna hua tha aur wo kisi ko apne libaas ke liye jawabdeh nahi hain. Javeria ne apne upcoming drama aur Ramadan transmission projects ke plans bhi share kiye.