Pakistan ke mashhoor rapper aur Young Stunners ke member Talha Anjum ne mangni kar li hai. Unki mangni medical aesthetician aur social media influencer Zoiea Karim se hui. Karachi mein honay wali private ceremony mein qareebi dost aur family ne shirkat ki. Mangni ki tasveerain aur videos social media par tezi se viral ho rahi hain.

Pakistan ki mashhoor fashion designer Maria B ko bachon ke liye Kite Theme Collection launch karne par tanqeed ka samna hai. Unhon ne “The Kite Club” ke naam se collection introduce ki, jab ke isi doran Instagram par basant na mananay ka elan bhi kiya. Isi apparent contradiction par social media users ne unhein munafiqat ka nishana banaya.

Sanam-Jung ne apni beti Alaya ke saath ek dil ko choo lene wali video share ki hai. Video mein unhon ne apni beti ke future version ke liye emotional message diya, jismein woh kehti hain ke woh Alaya se bohot pyaar karti hain aur hamesha uska best chahti hain. Social media par fans unke maa-beti ke strong bond ki tareef karrahe hain

Pakistan ki mashhoor actress Saba Faisal ne apni birthday bohat hi style aur shauq se celebrate ki. Unke husband, bachay aur family members unke saath shamil hue. Saba ne bright outfit pehna, perfect hair aur makeup ke saath dance kiya aur apni sister ke saath stylish two-storied cake cut kiya. Fans ne unki khushi aur glam look ki tareef ki.

Nauman Ijaz ne Khalil ur Rehman Qamar ke scathing comments ka jawab diya. Nauman ne kaha ke KRQ ne unke bare mein jo bhi kaha, sirf KRQ hi explain kar sakte hain. Unhone gracefully kaha ke woh professionally jaante hain aur personal life par comments nahi chahte. Public figure hone ke nate, log unke statements ko judge kar sakte hain.

Meri Zindagi Hai Tu, ab criticism ka shikar hai. Viewers male lead Kamyar ke toxic behavior se naraz hain, jo party karta hai, Ayra ko ignore karta hai aur abusive hai. Social media par fans drama ke toxic storyline ko normal karne par writers ko call out kar rahe hain aur harassment aur haram cheezon ko dikhane par narazgi dikha rahe hain.

Bushra Ansari ne un ladkiyon ko mashwara diya jo talaq yafta mard se shadi karne ka soch rahi hain. Unhone kaha ke pehle ye jaan na zaroori hai ke mard ki pehli shadi kyun toot gayi thi aur pehle rishte mein kya masail the. Bushra ne emphasize kiya ke pehle investigation karna behtar hai, taake baad mein pachtawa na ho.

Pakistani actress Laiba Khan ne nayi dulhanon ko mashwara diya hai ke wo mehngi shadi, kapron par paisa kharch karne ke bajaye sone ke jewelry mein invest karein, kyun ke ye mustaqbil ke liye faida mand aur mehfooz asset hai. Laiba ne kaha ke shadi ke kapre sirf ek dafa pehne jaate hai, is liye kiraye par lena behtar hai.

Pakistan ki mashhoor actress Hania Amir ne ladkiyon ko mashwara diya ke ladkon ko hamesha serious mat lo. Instagram video mein unhone mazaqiya andaaz mein kaha ke apne aap par utna confidence rakho jitna tum un par rakhti thi jo 14 ghante busy hone ka excuse dete hain. Ye statement social media par viral ho gaya.

Actress Maryam Noor ne kaha ke woh khud ko khoobsurat aur zaheen samajhti hain, lekin sab se zyada unhe ghareeb hone ka dar hai. Ek TV program mein unhone bataya ke paisay kam hone ka fear rehta hai. Maryam Noor ne kaha ke agar woh actress na hoti to lawyer hoti aur award shows mein jana khud par investment hai.