Bollywood ki Dream Girl Hema Malini ne eik dafa Shah Rukh Khan ko “Badsoorat” keh kar sirf ₹50,000 mein apni film “Dil Aashna Hai” ke liye sign kiya tha! Producer Vivek Vaswani ke mutabiq, us waqt Salman aur Aamir ne role reject kiya tha, tab Hema ne Shah Rukh ko cast kar liya.

Actor Zahid Ahmed ne podcast mein bold bayan dete hue kaha ke social media shaitaan ka kaam hai! Unhone kaha ke jo log is par content banate hain, “woh jahannum mein jayenge.” Zahid ne maana ke unka ye stance logon ko sakht lagega, lekin unke mutabiq social media ne insaan ko sabse zyada nuksaan pohchaya hai.

Feroze Khan ki wife Dr. Zainab ne apni separation ki afwahon ko jhoota qarar de diya! Unhone kaha ke social media pages fake news phaila kar logon ko mentally disturb kar rahe hain. Dr. Zainab ne fans se appeal ki “Aise pages ko report karein, ye stories main ne kabhi post nahi ki!”

Bilal Maqsood ne Pakistan Idol ke set par Karachi ke halaat par khul kar baat ki. Unhone mazak mazak mein kaha, “Hum do phone rakhtay hain eik dene ke liye aur eik baat karne ke liye.” Bilal ne Rahat Fateh Ali Khan aur Fawad Khan ko mashwara diya ke rickshaw walon se fasla rakhein, kyunke wo bina dekhe paan thook detay hain!

Writer-host Vasay Chaudhary ne apne show mein Humayun Saeed ke “playboy image” par khul kar baat ki! Vasay ne kaha ke Humayun rumors ka jawab is liye nahi dete kyunke ye unhein hamesha relevant rakhta hai. 👀 Salman Saeed ne bhi kaha ke bhai calm rehte hain lekin beja tanqeed par gussa zaroor karte hain!

Feroze Khan ki shadiyon ka drama phir se headlines mein! Social media par viral posts ke mutabiq unki doosri biwi Dr. Zainab ne allegedly separation ka elan kiya tha, keh kar ke “Main aise aadmi ke sath nahi reh sakti jo trust nahi karta.” Magar ab Zainab ne clarify kiya “Ye sab fake hai, please report such pages.”

Mashhoor YouTuber Rajab Butt eik baar phir se controversy mein! Kai aurton ne un par shadi ke baad bhi affairs ka ilzaam lagaya hai. Ab unki walida ne kaha, “Har ladke ka eik past hota hai, agar wo tauba kare to Allah maaf kar deta hai.” Social media par logon ne unke bayan ko “Desi mom defence” qarar diya!

Former Miss World Aishwarya Rai Bachchan ne apni 52 salgirah shandaar andaaz mein manai! 🌸 Unhon ne eik interview mein apni beauty secret share karte hue kaha ke unki khoobsurti ka raaz hai simple routine safai, pani aur moisturize karna. Aishwarya ne kaha, “Khud se mohabbat karna hi asli khoobsurti hai.”

Singer Faisal Kapadia ne herat angaiz khulasa kar diya! Unhone bataya ke Dimple Kapadia unki bhatiji (niece) hain. Faisal Kapadia ne yaad kiya ke 1984 mein Dimple ke walid Karachi aaye the aur unse wada kiya tha ke wo usse Bollywood le jayenge. Family connection ne sabko surprise kar diya!

Showbiz fans ke liye surprise! Hania Aamir ne apne ex-friend Asim Azhar ka 29th birthday bash attend kar liya! Dono eik hee venue par nazar aaye, lekin saath pose nahi kiya. Social media par fans ke mixed reactions kuch ne Merub Ali ke liye sympathy dikhayi, to kuch ne kaha, “Ye internet ka best drama hai!”