Pakistani actress Nadia Afgan ne social media par celebrities ke show-off culture par apni raye de di hai. Samaa TV ke show Subh Ka Samaa mein baat karte hue unhon ne kaha ke social media ab earning ka zariya ban chuka hai, lekin Islam humein private cheezein chupane aur low-profile rehne ki taleem deta hai.

Pakistan ke mashhoor and talented actors Muneeb Butt aur actress Laiba Khan pehli martaba ek sath naye drama serial Tapish mein nazar aayenge. Yeh project Geo Entertainment ke liye banaya ja raha hai, jise 7th Sky Entertainment produce kar raha hai. Drama mid-2026 mein on-air hone ki umeed hai.

Pakistani mashhoor TikToker Alina Aamir ne Valentine’s Day par Instagram par khoobsurat tasveerain aur ek video share ki. Video mein unhon ne lip-sync ke zariye mohabbat ka paighaam diya. Maroon dress, phool aur surkh balloons ke saath unki tasveerain social media users ko kaafi pasand aa rahi hain, Aur unki pics sab jagah viral horahi hain.

Pakistani model Zainab Yousaf ne sugar daddies ke hawalay se larkiyon ko advice de di hai. Aik podcast mein baat karte hue unhon ne kaha ke aise mardon se shadi ki umeed rakhna ghalat hai kyun ke woh pehle se shadi shuda hotay hain. Unka kehna tha ke ya toh apna career banayein ya phir jazbati nuqsaan se bach kar practical sochain.

Pakistani morning show host Nida Yasir ne khulasa kiya hai ke woh apne bachon ko social media se door kyun rakhti hain. Unhon ne bataya ke family pictures share karne ke baad unke bachon ko trolling ka samna karna para, jis ke baad unhon ne faisla kiya ke bachay social media ke liye abhi tayyar nahi.

Shaan Shahid aur Mona Lisa film Bullah ke gaane ke saath wapas spotlight mein aa gaye hain. Gaana Valentine’s Day par release hua, jo Lahore Fort mein shoot hua. Visuals aur romance ko saraha ja raha hai, lekin social media par lead pair ki age aur location styling par tanqeed bhi ho rahi hai.

Saif Ali Khan ne apni media journey zero se shuru karne ki kahani share ki. Good Morning Pakistan mein unhon ne bataya ke bina kisi media background ke, aik fan ki madad aur thori si luck se unhein moka mila. Tamasha Season 4 jeetne ke baad ab woh TV dramas aur Eid telefilm ka hissa ban chukay hain.

Fareeda Shabbir ne apne rapid weight loss ki wajah bata di. Rise And Shine mein baat karte hue unhon ne kaha ke weight loss kisi treatment ya injections ki wajah se nahi balke diabetes, tension aur sehat ke masail ki wajah se hua. Doctors ki advice aur diet control se ab unki tabiyat behtar hai.

Arij Fatyma ne cancer diagnosis aur recovery par khul kar baat ki. Hafiz Ahmed Podcast mein unhon ne bataya ke pregnancy checkup ke doran unka rare cancer diagnose hua. Emergency surgery, u*terus removal aur light c*hemotherapy ke baad wo ab stable hain. Arij ne apni journey ko Allah ka imtihan aur himmat ka safar kaha.

Abrar Ul Haq UK mein charity concert ke doran ek journalist se tezz behas mein ulajh gaye. Journalist ne unpar charity money lene ka ilzaam lagaya, jis par Abrar ul Haq ka reaction kaafi emotional tha. Unhon ne wazahat ki ke baby pakarte hue paisay pocket mein rakhay thay aur isay ghalat propaganda qarar diya.