YouTuber Iqra Kanwal ne Pakistan Influencer Awards mein female YouTube Creator category harne par apna bayan jari kiya hai. Unhon ne kaha ke jeetne walon se zyada charchay haarne walon ke ho rahi hain aur log jis haar par taziyat kar rahe hain us se unhe koi farq nahi parhta.
Veteran adakara Sania Saeed ne maamta ikhtiyar na karne ke faislay par khul kar baat ki hai. Unhon ne bataya ke unhe bachay boht achay lagtay hain, lekin un ke saath aane wali zimmedariyan aur tarbiyat ka poora azm hona chahiye, kyunke bachay paalna aik boht bari commitment hai.
Pakistan ki superstar Hania Aamir aur Diljit Dosanjh ki Punjabi horror-comedy film ‘Sardaar Ji 3’ India mein streaming platform par release ho gayi hai. Pakistani adakara ki casting par hone walay tanazaat ke baais film ko Indian cinemas mein nahi chalaya gaya tha, jabke Pakistan mein isne 60 crore ki kamai ki thi.
Pakistani film star Meera Ji ki choti behen aur adakara Shaista Abbas UK mein intiqal kar gayi hain. Shaista pichle teen saalon se cancer ki aakhri stage se lad rahi thiin. Fans, media shakhsiyat aur sarfeen ne Meera Ji aur unke khandaan se gehray dukh aur taziyat ka izhar kiya hai.
Superstar Mahira Khan ne khawateen ke sath hone wale rawayye par Instagram par ahem paigham share kiya hai. Mahira ne likha ke koi bhi aurat apni pregnancy aur delivery ke baad kiye gaye sulook ko kabhi nahi bhoolti, aur unhon ne is nazuk daur mein khawateen se bura sulook karne walon par sakht tanqeed ki.
