Maroof adakar Jamal Shah ne apni sabqa biwi Faryal Gohar ke gharelu tashaddud ke ilzamat par wazahat pesh ki hai. Unhon ne defamation case na karne ki wajah batate hue kaha ke court case jeet kar paise to mil sakte hain, lekin gayi hui izzat wapis nahi aati. Unhon ne pregnancy ke nuqsan par bhi baat ki.
Maroof adakara Bushra Ansari ne khula ke baad bhi apna surname ‘Ansari’ na badalne ki wajah batadi. Unhon ne bataya ke unka naam Bushra Bashir hai, lekin surname badalne se logo me confusion paida hogi. Unhon ne kaha ke unki betiyan bhi Ansari hain aur is se kisi ko aitraz nahi hona chahiye.
Mahnoor Sheikh ne Nadia Khan ke show me Sana Javed ke maghroorana rawayye par baat ki. Mahnoor ne bataya ke aik commercial ki shooting par Sana ne unke sath vanity room share karne se inkar kar diya tha, jis ki wajah se unhein bina AC waali jagah me muntaqil hona para.
Maroof adakara Hania Aamir ne apne guzashta saal ki ‘Dholki-themed’ birthday party ki kuch purani tasaveer aur memories share ki hain. Unhon ne bataya ke is doran logon ke tabsaron ki wajah se wo apni saalgirah sahi se celebrate nahi kar saki thin. Unhon ne fans ko hamesha apni khushiyan jee bhar kar manane ka mashwara diya.
Maroof TikToker aur social media creator Kanwal Aftab ne aik ilmi aur rishton se mutaliq post share ki hai. Unhon ne likha ke degree hasil karne wali larkiyan bhi jahil aur batameez aurton ki politics ka muqabla nahi kar sakteen. Is liye aise logon se behas karne ka koi faida nahi hota.
