Naimal Khawar ne un logon ko karara jawab diya hai jo unke badle hue Weight aur appearance par tanqeed kar rahe thay. Unhon ne kaha ke Mothers and Women’s ki body age, hormones aur motherhood ki wajah se badal sakti hai aur kisi ko ye haq nahi ke wo kisi ke jism par comments pass karein.
Pakistan ke Maroof actor Omair Rana ne visa ki bhari fees par afsoos ka izhar kiya hai. Unhon ne kaha ke yeh kitni ajeeb baat hai ke jin mumalik se hum ne azaadi li thi, aaj hamare log unhi mulkon me jaane ke liye 60 se 70 lakh rupaye de rahe hain.
Drama ‘Zanjeerain’ me zabadast twist ke baad Sahar Hashmi ne Anayah Shahid ki shandar acting par unhe ‘Star Girl’ keh kar saraha hai. Episode me Anayah ke kirdar Shireen ne Sohrab Khan ka naam samne laya. Unki behtar acting par fans aur dusre creators bhi unki khub tareef kar rahe hain.
Hit drama ‘Zanjeerain’ me Gul Meher ka kirdar nibhane wali nayi actress Mehermaan Khan ne Sajal Aly ki tareef ki hai. Unhon ne bataya ke Sajal ke sath kaam karne ka tajurba bohot accha raha. Sajal na sirf acting me ba-kamal hain balkay unka rawayya bhi bohot behtar hai.
Maroof actress Mashal Khan ne shadi ke hawale se apne dar ka zikr kiya hai. Unhon ne kaha ke wo apni shadi ko sab se chhupakar private rakhna chahti hain. Unka yeh bhi kehna tha ke unhe doosri shadi karne wale mard pasand nahi aur wo chahti hain ke unka shohar sirf unka hi hokar rahe.
