Maroof adakaara Saba Hameed do alag dramon me adakar Faran Tahir ki biwi aur maa ka kirdar aik sath nibhane par charcha mein hain. Drama Bus Tera Saath Hu me dono miya-biwi jabke Dar E Nijat me maa-beta bane hain, jis par fans social media par dilchasp aur mazahiya tabsare kar rahe hain.
Maroof adakaara Shagufta Ejaz ne logon ko zaahiri shakal-o-soorat par tanqeed na karne ka paigham diya hai. Unhon ne khush-dili aur ache kirdar ki ahmiyat par zor dete hue kaha ke dil ka acha koi bhi ho sakta hai, is liye har aik ke sath izzat se pesh aana chahiye.
Maroof Indian adakaara Rakhi Sawant ne BBC Hindi ko diye gaye interview me apne Pakistani fans ke sath mohabbat ka izhaar kiya hai. Unhon ne bataya ke mushkil waqt me Pakistani neighbors unka khayal rakhte hain. Social media par dono mumalik ke log is bayan ko sarahte hue aman ka paigham de rahe hain.
Maroof adakaara Iqra Aziz ne apni beti Sophia Hussain ka chehra social media par pehli baar dikha diya hai. Iqra ne apne betay Kabir aur beti Sophia ka aik khubsoorat sibling photoshoot share kiya, jis me dono safed libas me hain. Fans ka kehna hai ke beti bilkul apni maa ki tarah dikhti hai.
Maroof host Tabish Hashmi ne Geo TV ke comedy show Hasna Mana Hai se 5 saal baad alag hone ka elan kiya hai. Unki is unexcpected alehadgi par fans ka daawa hai ke unhe Azad Kashmir par banayi gayi video ki wajah se hataya gaya hai. Par ab tak koi offical report nahi mili
