Pakistan aaj 78wa Azadi Day shan-o-shaukat se mana raha hai. COAS, Navy, Air Force chiefs ne qaum ko mubarak di. Karachi mein Quaid ke mazar par Change of Guard ceremony hui, phool chadhaye gaye. PAF ka flypast 1:30pm par hoa. ISPR ne aman, taraqqi aur ittehad ka azm dobara dohraya.

Pakistan ka 78wa Azadi Day, President Zardari aur PM Shehbaz ka unity aur insaaf ka paigham. Zardari ne military kamyabi, Kashmir se yakjehti aur global maqam ka zikr kiya. Shehbaz ne Islamabad mein flag hoisting ki. Senate, Ishaq Dar, Maryam Nawaz ne bhi paigham diye. PIA ne flights par cake-cutting aur national songs ke sath jashn manaya.

Pakistan ne “Army Rocket Force” ka elan kar diya, jo missiles ki deployment aur handling karegi aur conventional war mein India ko jawab degi. PM Shehbaz Sharif ke mutabiq yeh force modern technology se equipped hogi. Senior official ne kaha yeh seedha India ke liye hai. May mein dono mulkon ka missile aur drone conflict hua tha.

Pakistan mein 16 August se petrol ki qeematon mein izafe ka imkaan. Petrol 16 Aug se 1.40 rupay mehanga aur high-speed diesel 11.50 rupay sasta ho sakta hai. Global market mein petrol 15 cents per barrel mehanga, diesel 4.5 dollar sasta. Nayi prices ka elan aaj hoga, final approval PM Shehbaz Sharif denge. Itlaq raat 12 baje se hoga.

Karachi, 10th class Science group ke results announce ho gaya. 83.93% students pass huay, 144,681 students successful rahe. aur 27,244 students na-qamiyab hoye. Aina Farooqi Montessori Complex, Gulshan-e-Iqbal se 94.73% marks ke saath first ayi, Wania Noor Pioneer Grammar, Orangi Town se second, aur Syed Azkaar Hussain Rizvi & Amaima third position par rahe.

Punjab hukoomat ne school reopening schedule revise kar diya. Grade 9-10, Inter, O/A Level classes 18 August se shuru, Grade 1-8 ki classes 1 September se hongi. Faisla heatwave aur exam prep dono ko dekhte hua liya gaya. Public/private schools par lagu, safety steps diye jismein ventilation, thanda pani, reduced hours majood hai.

Sanam Saeed TV par wapas aa rahi hain, naye drama mein “Miss Maria” ka role play karengi. Web series “Barzakh” mein Fawad Khan ke saath reunion bhi news bana. Eik TV appearance mein Parveen Akbar ne Sanam ko target karte hue kaha ke woh tomboy lagti hain. Fans ne Sanam ki talent praise ki aur outdated beauty standards ko question kiya.

Islamabad, Jinnah Sports Stadium mein Yom-e-Azadi aur Ma’raka-e-Haq ki shandar taqreeb hui. President Asif Zardari, PM Shehbaz Sharif, Field Marshal Asim Munir, federal ministers, parliament members aur citizens shamil hua. Teenon armed forces, Punjab Rangers, FC KPK aur SSG commandos ne march past kiya. Turkey aur Azerbaijan ke troops ne bhi hissa liya.

NADRA ne CNIC mein naam ya details change karne ka procedure announce kar diya. Token hasil karein, biometric verification karwayen, apne details update karein, application approve hone ka wait karein, aur fee pay karein (750-2500 PKR). Required documents: birth certificate ya affidavit, religion change ke liye Dar-ul-Fataah certificate. CNIC 7-30 din mein hasil karein.

BISE Multan ne Matric 2025 ke result cards distribute karne ka schedule announce kar diya. Regular students ke cards schools ko bhej diye gaye, private candidates board office se original roll slip dikhakar le sakte hain. Missing cards 11 October ke baad sirf duplicate issue honge. Results online aur SMS ke through bhi check kiye ja sakte hain.