Quetta ke Qambrani Road par eik admi ne apni beti aur nephew ko izzat ke naam par qatal kar diya. Dono ki umar 18 se 20 saal ke darmiyan thi. Police ke mutabiq mulzim waqia ke baad farar ho gaya hai, jiske liye raids ke ja rahe hain. Laashein hospital muntaqil kar di gai hain.

Karachi ke rehaishi Adnan Sheikh ki biwi ne eik saath paanch bachon ko janam diya. Doctors ne bataya ke pedaish ke baad bachon ko oxygen di gayi kyun ke unhein saans lene mein dushwari thi. Bachon ka wazan kafi kam hai, magar khushi ki baat hai ke ab halat pehle se behtar hai. Bachon ki sehat ki musalsal nigrani ki ja rahi hai

Urfi, jo apne bold aur unique fashion style ki wajah se mashhoor hai, ne haal hi mein botox treatment karwaya hai. Urfi ka chehra itna badal gaya ke fans bhi pehchan nahi pa rahe. Urfi ne ajj reel post ki jisme caption tha: “My boyfriend told me k mai baat baat pe muh phula leti hu True tho?” Jo kaafi viral ho raha hai.

Islamabad mein fancy number plates istemal karne walon ke khilaaf sakht crackdown tez karna ka faisla hua hai. DG Excise ne hidayat di ke aisi gariyon ko moattal kiya jaye aur bhari jurmana lagaya jaye. Unho ne wazeh kiya ke sirf Excise department ki manzoor shuda number plate hi qabil e qabool hogi. Aesi gariyon ko kisi soorat road par chalne ki ijazat nahi hai.

Pakistan aur duniya bhar mein Tuesday ko gold ki qeematon mein koi tabdeeli nahi ayei. 24 karat gold ka eik tola Rs361,200 per stable raha, jabke 10 gram gold bhi Rs309,671 par stable raha. Duniya bhar mein bhi gold $3,387 per ounce par stable raha. Silver ke qeematon mein bhi izafa dekha gaya Rs23 rupay ke izafa ke saath eik tola Rs4,035 tak pohanch gaya.

Jamun eik mufeed phal hai jo khoon saaf karta hai, diabetes control mein madadgar hai aur hazme ko behtar banata hai. Is mein antioxidant, vitamin C aur iron mojood hotay hain jo immune system ko mazboot karta hain. Jamun liver ke liye bhi faida mand hai aur munh ke infection se bachata hai. Rozana istemal sehat ke liye mufeed hai.

Shraddha Kapoor ne Mohit Suri ki film Saiyaara dekhi aur us se itna mutasir hui ke kaha “Saiyaara se Aashiqui ho gayi hai mujhe.” Aik aur Instagram story mein unho ne Aneet Padda ka scene share karte hue likha, “Pure cinema, pure drama, pure magic, uff bohot time baad itna emotion feel kiya hai, iss moment ke liye 5 baar dekhoongi.”

Pakistan ke shahron ki taaza mosam ke soorat-e-haal ke mutabiq iss waqt 22 July dopehar 2:17 PM par, Pakistan ke mukhtalif shahron ka darja hararat kuch is tarah hai. Karachi 32°C, Lahore 29°C, Islamabad 28°C, Faisalabad 34°C, Multan sab se zyada garam 39°C, Gujranwala 31°C, Sialkot 29°C, Quetta 33°C, Peshawar 32°C, jabke Hyderabad mein 36°C hai.

Lahore Board ne announce kiya hai ke annual matric exams ke result 24 July ko jari hoga. Is saal 2 lakh 50 hazar se zyada students ne exams mein hissa liya. Position holders ke naam 23 July ko shaam 4 baje bataye jayenge. Talaba aur unke waldain nateejon ka be sabri se intezar kar rahe hain.

Lodhran se taluq rakhna walay doctor aur unki biwi Diamer cloudburst se selabi soorat e haal mein jaan bahaq ho gaye, unka 3 saala beta ab tak lapata hai, jabke doctor ke abu zakhmi hue. Khandani zaraye ke mutabiq baaqi tamam afraad mehfooz hain. 17 afraad par mushtamil yeh khandan Skardu se wapas aa raha tha.