German Consulate Karachi ne Pakistani applicants ke liye visa services 5 August se dobara shuru kar di hain. Pehle security concerns ki wajah se service temporarily band thi. Ab work, study aur family visit visas normal tor par milenge. Jinki appointments cancel hui thi, unhein dobara register karna hoga. Consulate ne sabar aur taawun par shukriya ada kiya.

Mardan mein teenage larki ke sath dance party mein harasment ke video viral hone par KP CM ke hukum par 4 log giraftar, jin mein nani aur qaareebi rishtedaar bhi shaamil hain jo larki ko paisay ke liye private events mein bhejte tha. Police ne case register kar liya, aur further investigation jari hai.

Karachi, Gulistan-e-Johar ke Pehlwan Goth mein battery shop par firing se 2 afraad halaak, 3 zakhmi. Hamla motorcyclists ne kiya, forensic saboot akatha kiye gaye. Eik halaak shuda imam masjid ka beta tha, tamam afraad Ahle Tashi aur Gilgit-Baltistan se taluq rakhte tha. Mazhabi tanzeem ke rehnumaon ne ise target killing qarar dekar mulzimon ki foran giraftari ka mutalba kiya.

20 August se US mein naye visa rules ka aaghaz hoga jisme kuch countries ke tourist aur business visa applicants se $5,000 se $15,000 tak ka bond liya ja sakta hai. Yeh rule un logon par hoga jo visa overstay karte hain ya jinki countries ki screening kamzor hai. Maqsad illegal immigration control karna hai.

Aaj 5 Aug 2025 ko Pakistan Open Market mein mukhtalif mumalik ki currencies ke buy rates kuch is tarah hain: U.S. Dollar 284.45 PKR, Euro 328 PKR, British Pound 377.10 PKR, UAE Dirham 77.45 PKR, Saudi Riyal 75.7 PKR, Kuwaiti Dinar 920.15 PKR, Canadian Dollar 205 PKR, Australian Dollar 182.25 PKR, Malaysian Ringgit 66.31 PKR, Swiss Franc 346.94 PKR, Indian Rupee 3.14 PKR.

Hukoomat ne National Artificial Intelligence Fund (NAIF) banane ka faisla kar liya. Ignite ka 30% R&D fund AI projects ke liye allocate hoga. Islamabad, Lahore aur Karachi mein AI Centers of Excellence banenge. Har saal 200,000 logon ki AI training, internships, aur Innovation/Venture Funds shamil hain. 1 million AI professionals ka target 2030 tak rakha gaya hai.

PM Shehbaz Shareef ne Gilgit-Baltistan ke floods par emergency meeting mein advanced weather alert system, early warning, aur climate-resilient infrastructure ka hukum diya. 21 July ko cloudburst se bohot nuksan hua, 600 log rescue, aur roads repair ki gayi. NDMA, Army, Rescue 1122 ne hissa liya. PM ne kaha Pakistan zero emissions ke bawajood climate disasters ka shikar hai.

Bangladesh ki former PM Sheikh Hasina par crimes against humanity ka trial shuru ho gaya. Pehla gawah Khokon Barman hai, jise August 2024 protests mein muh par goli lagi. Hasina India mein chhupi hai aur court mein hazir nahi ho rahi. UN ke mutabiq protest mein 1,400 log halaak hua. Trial ghair-hazri mein jari hai.

Maqbooza Kashmir mein Amarnath ke mazhabi safar ke doran 4.15 lakh Hindu logon ne shirkat ki. Safar 3 July se 9 August tak tha, lekin barishon ke sabab raaste toot gaye, is liye pehle khatam kar diya gaya. April mein Pahalgam ke paas 26 Hindu tourists qatal hua. Bharat ne Pakistan par ilzaam lagaya, jisse 4 din ka conflict shuru hua.

Yemen ke saahil par Gulf of Aden mein boat doob gayi, jismein 154 log sawar tha. Ab tak 68 Ethiopian migrants ki maut ki tasdeeq hui hai, jabke 74 abhi tak laapata hain. Boat Gulf countries ki taraf ja rahi thi. IOM ne is route ko “duniya ka sabse khatarnak migration rasta” qarar diya hai.