Aaj 26 Aug 2025 ko Pakistan Open Market mein mukhtalif mumalik ki currencies ke buy rates kuch is tarah hain: U.S. Dollar 283.1 PKR, Euro 328.40 PKR, British Pound 380.10 PKR, UAE Dirham 77.1 PKR, Saudi Riyal 75.4 PKR, Kuwaiti Dinar 915.95 PKR, Canadian Dollar 203 PKR, Australian Dollar 182 PKR, Malaysian Ringgit 66.4 PKR, Swiss Franc 347.32 PKR, Indian Rupee 3.15 PKR.

NAB ne KP placer gold mining mein trillions ka nuksan expose kar diya. Leaseholders illegal subletting karke 1500 excavators se Rs5-7 lakh haftawar vasool rahe hain, Rs1 billion tak weekly kamai, govt ko sirf peanuts. Auction rules violate hua, studies ignore ki gayi, illegal mining, mercury use aur environmental laws todne ka bhi inkishaf.

FBR ne tax evaders ko pakarne ke liye phir se Tax Directory publish karne aur private whistle-blower companies ko involve karne ka plan banaya. Recovery pe 5–10% inaam milega. Cabinet se approval liya jayega. 2019 ke baad directory band thi, jis se elite tax chhupate rahe. Ab 100 companies ko whistle-blowing ka license milne ka imkaan.

World Bank ne Punjab ke liye $47.9m education grant approve kar liya. Project ka maqsad learning poverty kam karna, pre-primary aur primary level par larkon larkiyon ki shirkaat barhana, out-of-school 80 hazar bachon ko enroll karna aur 40 lakh se zyada students ko faida dena hai. Teachers training, special education aur governance reforms bhi shamil hain.

ATC Faisalabad ne Rana Sanaullah house attack case ka faisla suna diya. PTI ke Umar Ayub, Shibli Faraz, Zartaj Gul aur 59 afraad ko 10 saal qaid, jabke kuch workers ko 3 saal mili. 34 log bari ho gaye. May 9 riots cases mein PTI leadership ke liye musalsal qanooni mushkilaat barh rahi hain

Washington DC mein US National Guard troops ko Sunday raat se weapons carry karne ki ijazat mil gayi. Kuch M17 pistols aur kuch M4 rifles rakhenge. Trump ne crime crackdown ke liye ye step uthaya aur ab Chicago aur Baltimore mein bhi deployment ka soch rahe hain. Democrats ne kaha Trump ke paas aisi legal authority nahi.

India ne Indus Waters Treaty ke tehat Pakistan ko bara flood warn kar diya. Indian High Commission ne 24 August subah Islamabad ko notify kiya ke Tawi River (Jammu) mein shiddat ka flood aa sakta hai. Yeh warning us waqt aayi jab India treaty suspend kar chuka hai aur Pakistan nationals ko bhi country se nikal chuka.

Taxila ke nojawan Subhan Farooqi ne mobile phone se chalne wali driverless car bana kar sab ko heran kar diya. Teen mahina mein banai gayi is car ka steering, brake aur accelerator mobile app se control hota hai. Subhan ka kehna hai pehla maqsad mazoor afraad ki madad hai aur wo Elon Musk se compete karna chahte hain.

Israel ne Yemen ke capital Sanaa par strikes ki, jisme 6 halak aur 86 zakhmi hua. Israeli military ke mutabiq targets mein presidential palace compound, power plants aur fuel site shamil tha. Strikes Houthis ke missile aur drone attacks ka jawab hain. Houthis keh rahe hain ke woh Gaza ke Palestinians ke saath solidarity mein hamlay jari rakhenge.

Pakistan Railways ne flood situation ke bawajood Quetta se Peshawar train service 25 aur 26 August ke liye suspend kar di. Jaffar Express cancel hai, lekin Chaman Passenger apne waqt par rawana hui. Railway network ko digitize karne ka plan bhi chal raha hai jisme advanced signalling, telecom aur communication systems install ho rahe hain taake safety aur efficiency barhe