Aima Baig ne interview mein bataya ke Fajr ki namaz ke doran unhein melody ka tohfa mila. Woh apni late mother ko yaad karte hue ro rahi thi. Aima ne kaha ke 6 baje subah kuch lyrics aur melody unke zehan mein aaye jo unhone record ki. Unka kehna tha ke unki maa unke career ka hamesha support karti rahi.

Monali Thakur Zurich airport par subah 4 baje apni diamond ring kachray ke bin mein girne ke baad khud bin ke andar chali gayin. Singer ne video share kar ke bataya ke bin heavy tha, airport khaali tha, aur kuch logon ki madad se ring safely wapas mil gayi yeh incident social media par kaafi viral ho gaya.

Girija Oak ne Sydney Sweeney aur Monica Bellucci se compare kiye jaane par reaction diya. Unhon ne kaha ke online admiration jaldi objectification ban jati hai aur log aurat ki choice aur agency ko nahi samajhte. Girija ne forced gaze, AI-generated images aur entitlement culture ko openly call out kiya.

Pakistan SInger aur adakara Hadiqa Kiani ne khulasa kiya ke woh real life mein kabhi nahi roti. Singer ne bataya ke unki walida 17 saal tak bistar par rahin, jis ne unhein bohat mazboot bana diya. Maa ko beti ki tarah sambhalna pada, is liye strong rehna majboori ban gaya.

Javed Akhtar ne Bihar ke CM Nitish Kumar ki taraf se Muslim khatoon doctor ka naqab kheenchne ke waqia par sakht reaction diya. Unhon ne kaha ke woh parday ke mukhalif hain, magar kisi khatoon ke sath bad-sulooki kisi surat qabool nahi. Isay izzat aur waqar ka masla qarar diya.

Pakistani Singer or Actor Farhan Saeed ne apni biwi Urwa Hocane ke saath shadi ke 9 saal mukammal honay par naya gaana Manzar release kar diya. Yeh gaana unke album Khat ka hissa hai aur iski video mein shadi ke khoobsurat lamhaat dikhaye gaye hain, jo fans ko kaafi pasand aa rahe hain

Bollywood ki famous singers Neha Kakkar aur Tony Kakkar ka naya gaana Candy Shop release hotay hi social media par shadeed tanqeed ka shikar ho gaya. Users ne lyrics, video aur dance ko ghair-mayari aur ghair-ikhlaqi kaha. Gaane ko K-pop ki naakaam naqal bhi qarar diya ja raha hai.

Interior designer Sussanne Khan ne apni late mother Zarine Khan ko yaad karte hue Instagram par emotional note aur purani tasveerain share ki hain. Zarine Khan ka intiqal November mein 81 saal ki umar mein hua. Sussanne ne likha ke woh hamesha apni maa ki hai aur unki guidance aur pyar unke liye hamesha rehne wala hai.

Rakhi Sawant ne Muslim khatoon ka niqab khenchne ke waqia par Bihar ke Wazir-e-Aala Nitish Kumar se maafi ka mutalba kiya hai. Instagram video mein unhon ne kaha ke hijab Islam mein laazmi hai aur kisi khatoon ka hijab hatana tauheen hai. Social media par logon ne Rakhi ke mauqif ko saraha hai.

Saif ne billionaires’ weddings par dance karne mein apni discomfort ka izhar kiya aur yaad kiya ke ek shadi mein unki aunt ne unhein sharminda kiya tha. Interview mein unhon ne kaha ke actor aur guest ke beech boundaries blur ho jati hain aur har event ka context alag hota hai, is liye woh sab shadiyon mein perform karna pasand nahi karte.