Sara Ali Khan ne kaha ke unki parwarish single mother Amrita Singh ne ki, jis ne unki soch aur confidence ko shape kiya. Actress ka kehna hai ke unhein kabhi apni awaaz dabane ka ehsaas nahi hua. Sara ke mutabiq strong aurat woh hoti hai jo khul kar apni baat rakh sake aur khud par yaqeen rakhe.

YouTuber Dhruv Rathee ne apni video mein claim kiya ke Deepika Padukone samait kai Bollywood actresses ne skin lightening treatments karwaye hain. Is bayan ke baad social media par Deepika ke fans ne unka zor-daar difa kiya aur kaha ke Rathee pehle hi Dhurandhar ke khilaaf thay, is liye be-bunyaad allegations laga rahe hain.

Pakistan ke mashhoor YouTuber Star Saad Rehman aka Ducky Bhai ne apni birthday par ek fan se 10 lakh rupay ka cheque milne ka claim kiya hai. Ye cheque 22 December 2025 ka hai aur reportedly Adil Zahid ne bheja. Ducky Bhai ne kaha ke woh cheque cash karke donate karenge. Fan ke is act ko ducky bhai na appreciate kia.

Sidharth Malhotra aur Kiara Advani ne Christmas 2025 apni beti Saraayah ke saath celebrate kiya aur Instagram par pyari si jhalak share ki. Couple ne apni baby girl ko “Miss Claus” ke look mein dress kiya. Yeh Saraayah ka pehla Christmas tha, jisay dono ne family ke saath quietly aur special banaya.

Kapil Sharma ki film Kis Kisko Pyaar Karoon 2 ko Dhurandhar ki strong box office performance ki wajah se zyada screens nahi mil saki. Film December 12 ko release hui thi lekin impact kam raha. Ab makers ne announce kiya hai ke film January 2026 mein dobara theatres mein re-release ki jayegi.

Saba Qamar ne apne khilaaf police uniform pehnay ke ilzaam par daakhil darkhwast ke baad pehli baar reaction diya hai. Actress ne Instagram story par tanzia aur mazaahiya andaaz mein kaha ke aaj kal woh bohat zyada mashhoor ho chuki hain. Yeh maamla social media par viral video ke baad uth khara hua.

Akshaye Khanna ne ek interview mein kaha ke log unhein successful nahi samajhte kyunke woh top stars jaisi success hasil nahi kar paaye. Actor ne muskuratay hue jawab diya ke race mein sab aagay hain aur woh aakhri hain. Unka kehna tha ke success ko sirf superstars se compare karna theek nahi.

Pakistan-Tajikistan cultural fair mein Tajik singer ne mashhoor Pakistani gana Mere Rashk-e-Qamar ga kar sab ko hairan kar diya. Lahore mein 75 rukun Tajik delegation ke saath hui is event mein qawali aur dhol ki thaap par dance ka bhi lutf liya gaya. Punjab Minister Azma Bukhari ne kaha ke aise melay dono mulkon ke taluqaat aur tijarat ko mazboot karte hain.

Shehnaaz Gill ne ek emotional junior artist ko tasalli dete hue kaha ke actors bhi dukh aur takleef mehsoos karte hain, lekin apna dard zahir nahi karte. Unhon ne mashwara diya ke strong banein, khud ke liye kharay hon aur apni kamzori duniya ko na dikhayi, warna log faida utha lete hain.

Film Three Idiots ke sequel mein ek badi tabdeeli samne aayi hai, jahan makers chautha central character introduce karne ka plan bana rahe hain. Reports ke mutabiq film ka working title filhaal Four Idiots rakha gaya hai. Script final stages mein hai aur shooting 2026 mein shuru honay ka imkaan hai.