Ajay Devgn Ki Beti Nysa Devgn Ki Gaari Mein Rote Hue Video Viral
Bollywood stars Ajay Devgn aur Kajol ki beti Nysa Devgn ki gaari mein phone par baat karte hue rone ki video social media par viral ho gayi hai. Video mein unki aankhen laal nazar aa rahi hain aur woh kaafi jazbati lag rahi hain. Kajol ne pehle hi kaha tha ke Nysa acting ka career choose nahi kareingi.
Meherbano Ne Shadi Khatam Hone Ki Tasdeeq Kar Di
Pakistani actress Meherbano ne apni shadi ke khatam hone ki tasdeeq kar di hai. Instagram Q&A session mein ek sawal ke jawab mein unhon ne wazeh kaha ke woh ab shadi shuda nahi hain. Is seedhay jawab ne social media par kai maheeno se chalne wali alag hone ki afwaahon ko khatma kar diya.
Dananeer Aur Ahmed Ali Akbar Pehli Baar Upcoming Drama Mein Saath Nazar Aayenge
Actress Dananeer Mobeen Hum TV ke upcoming drama Hurmat mein nazar aane ke liye tayyar hain, jahan reports ke mutabiq Ahmed Ali Akbar unke co-star ho sakte hain. Farhat Ishtiaq ke likhay gaye is project mein dono pehli dafa screen share karte dikhain ge, jo TV viewers ke liye ek fresh aur exciting pairing hogi.
Kya Waqai Sajal Ali Aur Hamza Sohail Shadi Kar Rahe Hain?
Sajal Ali ne apni aur Hamza Sohail ki shadi ke rumors par apna response dedia. Social media par 2026 mein dono ke shadi karne ki khabrein tezi se phail rahi thi. Sajal ne Instagram story mein kaha ke agar kabhi aisi koi news hogi, to wo sirf unki taraf se hi announce hogi, aur fans se privacy ke respect karne ki appeal ki.
Iqra Kanwal Ki Beti Anaviya Ka Room Tour Vlog Viral
Pakistan ki Mashhoor YouTuber aur influencer Iqra Kanwal ne apni 3 mahine ki beti Anaviya ke room ka exclusive tour share kar diya. Sistrology channel par upload hone wale vlog mein purple, pink aur white themed room dikhaya gaya. Cute bed, toys aur wardrobe ne fans ka dil jeet liya.
Reham Rafiq Ne Depression Ke Sath Apni Jang Share Kar Di
Actress Reham Rafiq ne depression ke sath apni personal struggle openly share kar di. Instagram par post mein unhon ne mental health awareness par zor diya aur kaha ke yeh drama nahi balkay real pain hota hai. Reham filhaal isi wajah se social media se door hain aur is safar ko himmat se jari rakhne ka keh rahi hain.
Sana Yousaf Qatal Case Update
Pakistan ka 2025 ka mashhoor Sana Yousaf case abhi tak adalat mein jari hai. 17 saal ki TikTok star Sana Yousaf ke qatal par mulzim Umar Hayat par trial chal raha hai. December 2025 tak kai gawahon ke bayan record ho chuke hain, jab ke faisla abhi ana baqi hai. isky ilawa bhi kahi famous crime cases report hoye hein.
Bombay HC Ne Shilpa Shetty Ke Favor Mein AI-Morphed Photos Ke Deletion Ka Order De Diya
Bombay High Court ne Shilpa Shetty ke favour mein faisla diya aur unke AI-morphed disturbing photos aur videos ke social media se deletion ka order jaari kiya. Court ne in images ko “extremely disturbing and shocking” qarar diya aur kaha ke kisi ki consent ke baghair aisi tasveerain upload karna unacceptable hai.
Pyari Maryam Ke Shohar Ka House Tour, Yaadon Bhari Kahaniyan Share Ki
Mashhoor YouTuber Ahsan Ali ne late wife Pyari Maryam ka last house tour vlog share kar diya. Vlog mein unhon ne Maryam ki yaadein, ghar ki decoration aur unki aadatein batain. Ahsan ne yeh bhi announce kiya ke wo yeh ghar chhor kar gaon shift ho rahe hain kyun ke yahan rehna mushkil ho gaya hai.
Mein Ne 40 Crore Ki Peshkash Mustarad Kardi Thi, Sunil Shetty Ka Inkishaaf
Sunil Shetty ne 40 crore ki endorsement offer ko reject karne ka khulasa kiya. Unhone kaha ke wo apni values aur youth ke liye example bane rehna chahte hain, isliye tobacco brand promotion accept nahi ki. 64 saal ke Sunil ab nana ban chuke hain, lekin unki fitness aur principles aaj bhi logon ke liye motivation hain.